चित्रपटसृष्टीवर शोककळा! प्रसिद्ध संगीतकार रामलक्ष्मण यांचे निधन, सलमान खानच्या ‘मैंने प्यार किया’ चित्रपटाला दिले होते संगीत

बॉलिवूडमधून दु:खद बातमी समोर येत आहे. प्रतिभावान संगीतकार रामलक्ष्मण (विजय पाटील) यांचे निधन झाले आहे. ते ७९ वर्षांचे होते. शनिवारी (२२ मे) सकाळी नागपूर येथे त्यांनी अखेरचा श्वास घेतला. त्यांनी सुपरस्टार सलमान खानचा पहिला सुपरहिट ‘मैंने प्यार किया’ चित्रपटाला आपले संगीत दिले होते. याव्यतिरिक्त त्यांनी बॉलिवूडच्या अनेक चित्रपटांना आपले संगीत दिले होते. यामध्ये ‘मैंंने प्यार किया’व्यतिरिक्त ‘हम आपके हैं कौन’, ‘हम साथ साथ हैं’, ‘अनमोल’ यांसारख्या चित्रपटांचा समावेश आहे.

त्यांच्या निधनामुळे चित्रपटसृष्टीवर शोककळा पसरली आहे. दिग्गज मंडळींनी त्यांना श्रद्धांजली वाहिली आहे. राम लक्ष्मण यांचे खरे नाव विजय पाटील होते. त्यांनी आपला मित्र सुरेंद्र (राम)सोबत इंडस्ट्रीमध्ये काम करण्यास सुरुवात केली होती. परंतु सुरेंद्र यांचे निधन खूप आधी झाले होते. त्यामुळे ही जोडी फार काळ चालली नाही. या जोडीने एकूण एक किंवा दोनच चित्रपटांना संगीत दिले होते. सुरेंद्र यांच्या निधनानंतर विजय यांनी आपले काम पुढे सुरू ठेवले. यासोबतच त्यांनी आपले नाव बदलून रामलक्ष्मण असे ठेवले. त्यानंतर त्यांना इंडस्ट्रीत राम लक्ष्मण नावानेच ओळखू लागले. त्यांनी कधीच आपल्या मित्राचे नाव हटवले नाही.

https://twitter.com/rajbansal9/status/1395974197235515395

रामलक्ष्मण यांनी हिंदी चित्रपटांसोबतच मराठी आणि भोजपुरी चित्रपटांनाही आपले संगीत दिले होते. सन १९७७ साली आलेला ‘एजंट विनोद’ चित्रपटाला या जोडीनेच संगीत दिले होते. परंतु अचानक सुरेंद्र यांचे निधन झाले. त्यामुळे विजय यांनी आपले नाव रामलक्ष्मण असे ठेवले.

प्रतिभाशाली संगीतकार राम लक्ष्मण( विजय पाटील) जी के निधन की खबर से मैं बहुत व्यथित हूँ. उनका पहला गीत मैंने गाया, और सबसे ज़्यादा गाने मैंने गाए, दादा कोंडके जी की फ़िल्मोंके सभी गीत मैंने गायें जओ बहुत लोकप्रिय हुए. उनका संगीतबद्ध किया दिल दीवाना ये गाना मुझे बहुत पसंद है।

— Usha Mangeshkar (@ushamangeshkar) May 22, 2021