सध्या मनोरंजन जगतात सर्वत्र लग्नाचा धुमधडाका सुरू आहे. रणबीर आलियाच्या लग्नानंतर आता आणखी एका लग्नाचा बार उडणार आहे. आता ‘इंडियन आयडॉल 12’ ची उपविजेती सायली कांबळे (Sayali Kamble) तिचा प्रियकर आणि मंगेतर धवलसोबत काही दिवसांत लग्नबंधनात अडकणार आहे. सायलीने तिच्या इंस्टाग्राम अकाउंटवर ही माहिती शेअर केली आहे. तिच्या लग्नाआधीचे सेलिब्रेशन सुरू झाले असून सायलीचा मेहंदी सोहळा 22 एप्रिल रोजी झाला, ज्याचे फोटो सोशल मीडियावर व्हायरल होत आहेत.
याबाबत संपूर्ण माहिती अशी की, इंडियन आयडॉल १२ ची उपविजेती सायली कांबळे लवकरच विवाह बंधनात अडकणार असून तिच्या लग्नाची जोरदार तयारी सध्या सुरू झाली आहे. सध्या सायलीच्या मेहंदीचे फोटोही समोर आले आहेत. तिच्या मेहंदी समारंभासाठी, सायलीने स्ट्रॅपी हिरव्या रंगाचा शरारा परिधान केला होता. हलका मेकअप केलेली सायली या पेहरावात खूपच सुंदर दिसत होती.
हे फोटो शेअर करत सायलीने ‘मेहंदी’ असा कॅप्शन दिला आहे. त्यामुळे सायली तिच्या लग्नासाठी खूपच उत्साही असल्याचे दिसत आहे. त्याचप्रमाणे, आज 23 एप्रिल रोजी सायली पारंपारिक पिवळ्या साडीत आणि दागिन्यांमध्ये दिसत होती तर धवल देखील पारंपारिक कुर्ता परिधान केलेला दिसला.
दरम्यान सायली सोशल मीडियावर खूप सक्रिय असते. यावरुन ती नेहमीच तिच्या चाहत्यांशी विविध फोटो आणि व्हिडिओ शेअर करत असते. याआधी डिसेंबर 2021 मध्ये सायलीने धवलने तिला कसे प्रपोज या बद्दलची पोस्टही शेअर केली होती. या व्हायरल व्हिडिओमध्ये धवल तिला प्रपोज करताना दिसला होता. व्हिडीओ शेअर करताना सायलीने “सदैव माझ्यासोबत राहिल्याबद्दल खूप खूप धन्यवाद . माझे प्रेम, माझा मित्र, माझा मार्गदर्शक आणि आता माझा जीवनसाथी माझे तुझ्यावर प्रेम आहे.” असा गोड कॅप्शन दिला होता.
- दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
- दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
- दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
‘आयुष्य बरबाद झाले आहे’, सपना चौधरीने केली तिच्या आयुष्याबाबत ‘ही’ तक्रार
‘या’ कारणामुळे शामिया शेट्टी झाली होती डिप्रेशनही शिकार, बहिणीच्या चॅट शोमध्ये केला खुलासा
शाहरुख खानने का बदलली त्याच्या घराची नेम प्लेट, ट्विटरवर ट्रेंड होतंय ‘मन्नत’
