सध्या सर्वत्र दिल्ली मध्ये सुरु असणाऱ्या शेतकरी आंदोलनाची चर्चा होत आहे. या आंदोलनाला अनेक कलाकारांनी पाठिंबा दिला आहे. या आंदोलनाच्या दरम्यान बॉलीवूडचा दबंग खान याने त्याच्या सोशल मीडिया अकौंटवर त्याचा शेतात काम करतानाच एक फोटो शेयर केला आहे. सध्या हा फोटो तुफान वायरल होत आहे.
बॉलीवूडमध्ये सलमानचा एक वेगळाच दबदबा आहे. सलमान इतकी फॅन फॉलोईंग खरंतर कोणत्याच कलाकाराच्या वाट्याला येत नाही. सलमानचा अभिनय, स्टाईल, डान्स, डायलॉग्स या सर्वांवर प्रेक्षक वेड्यासारखे फिदा होतात. सलमान त्याच्या सोशल मीडिया अकाऊंटवर खूपच ऍक्टिव्ह असतो. त्याचे फोटो, व्हिडिओ सर्वच तो त्याच्या फॅन्स सोबत शेयर करत असतो. नुकताच त्याने मदर अर्थ हे कॅप्शन देत हातात फावडा घेऊन शेतात काम करत असलेला एक फोटो पोस्ट केला आहे.
त्याच्या ह्या फोटोला फॅन्स भरभरून लाईक्स देत अनेक कमेंट्स केल्या आहेत. खूपच कमी वेळात सलमानचा हा फोटो वायरल झाला आहे. सलमान सध्या त्याच्या पनवेल येथील फार्महाऊस वर आहे. तिथे तो घोडेस्वारी, शेती अशा स्वरूपाच्या अनेक ऍक्टिव्हिटी करत आहे. त्याच्या प्रत्येक ऍक्टिव्हिटीचा फोटो तो सोशल मीडियावर टाकत असतो. सोशल मीडियाच्या माध्यमातून तो नेहमीच त्याच्या फॅन्स सोबत जोडलेला असतो.
सध्याच्या शेतकरी आंदोलनाच्या पार्श्वभूमीवर त्याच्या फोटोवरून त्याचे फॅन्स त्याचा शेतकरी आंदोलनाला पाठिंबा असल्याचे समजत आहे. याधीही सलमानने त्याच्या शेतात भात लावणीचे, ट्रॅक्टर चालवत असल्याचे, शेतातील इतर कामे करतानाचे अनेक फोटो शेयर केले होते.
वर्कफ्रंट बद्दल बोलायचे झाले तर सध्या सलमान त्याच्या ‘बिग बॉस’ या रियालिटी शोच्या सूत्रसंचालनात व्यस्त आहे. सोबतच तो त्याच्या ‘राधे’ या बहुप्रतीक्षित सिनेमाच्या चित्रीकरणात देखील बिझी आहे. नुकतेच सलमानने त्याच्या ‘अंतिम’ या सिनेमाचेही शूटिंग सुरु केले आहे. याशिवाय सलमान लवकरच ‘कभी ईद कभी दिवाली’ या सिनेमातही दिसणार आहे.
