जॅकलिन फर्नांडिस ही बॉलिवूडमधील एक लोकप्रिय अभिनेत्री आहे. अनेक चित्रपट आणि गाण्यात डान्स करून तिने तिची ओळख निर्माण केली आहे. जॅकलिन यतीच्या वैयक्तिक आयुष्यामुळे देखील मोठ्या प्रमाणात सक्रिय असते. अशातच तिच्या बाबत असिह माहिती समोर आली आहे की, ती गंभीर आर्थिक संकटात असलेला तिचा देश श्रीलंकेला आधार देत आहे. श्रीलंकेला स्वातंत्र्यानंतरच्या सर्वात वाईट आर्थिक संकटाचा सामना करावा लागत आहे. यामुळे देश दिवाळखोरीच्या उंबरठ्यावर पोहोचला आहे. वाढत्या किमती, जीवनावश्यक वस्तूंचा तुटवडा यामुळे श्रीलंकेच्या राष्ट्रपतींनी देशभरात आणीबाणी जाहीर केली आहे.
कठीण काळात जॅकलिनने सोशल मीडियावर जाऊन देशातील परिस्थितीवर आपले मत मांडले. श्रीलंकेच्या ध्वजाचा फोटो शेअर करत तिने लिहिले की, “श्रीलंकन म्हणून माझा देश आणि देशवासीय किती वाईट परिस्थितीतून जात आहेत हे जाणून मन हेलावणारे आहे.”
ती पुढे लिहिते, “जेव्हापासून हे सर्व सुरू झाले आहे, तेव्हापासून मला वेगवेगळी मते दिली जात आहेत. मी म्हणेन, न्यायाची घाई करू नका. दाखवलेल्या गोष्टींच्या आधारे कोणत्याही गटाची बदनामी करू नका. जगाला आणि माझ्या लोकांना इतर कोणत्याही न्यायाची गरज नाही, त्यांना सहानुभूती आणि समर्थनाची गरज आहे. परिस्थिती पूर्णपणे समजून न घेता टिप्पणी करण्याऐवजी दोन मिनिटांची शांत प्रार्थना त्यांना तुमच्या जवळ आणेल.”
देशवासियांबद्दल सहानुभूती व्यक्त करताना जॅकलीन म्हणते, “माझ्या देशाच्या आणि देशवासीयांच्या फायद्यासाठी मी आशा करते की ही परिस्थिती लवकरच शांततेत संपेल. या परिस्थितीशी झगडणाऱ्या लोकांच्या भल्यासाठी प्रार्थना.”
श्रीलंकेच्या राष्ट्रपतींनी अर्थमंत्र्यांची हकालपट्टी केली आहे आणि आर्थिक संकटामुळे उद्भवलेल्या अडचणींविरुद्ध जनक्षोभाचा सामना करण्यासाठी विरोधी पक्षांना युनिटी मंत्रिमंडळात सामील होण्यासाठी आमंत्रित केले आहे. जॅकलिनचा ‘अटॅक’ चित्रपट १ एप्रिल रोजी थिएटरमध्ये प्रदर्शित झाला होता आणि या चित्रपटात ती जॉन अब्राहमसोबत दिसणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-