एसएस राजामौलीच्या (s. s. rajamauli)’बाहुबली’ नंतर गेल्या काही वर्षांत प्रदर्शित झालेल्या पुष्पा, केजीएफ सारख्या चित्रपटांनी थिएटरमध्ये धुमाकूळ घातला आहे. कमाईचा विषय असो की रिव्ह्यूचा, यापूर्वी प्रदर्शित झालेल्या या साऊथ चित्रपटांनी प्रेक्षकांच्या हृदयावर आणि मनावर अशी छाप सोडली होती की, त्यानंतर दाक्षिणात्य आणि बॉलीवूड चित्रपटांच्या दर्जाबाबत वाद सुरू झाला होता, जो आतापर्यंत सुरूच आहे.
दाक्षिणात्य आणि हिंदी चित्रपटांबाबत सुरू असलेल्या या वादावर अनेक सेलेब्सचे वक्तव्य समोर आले आहे. आता चित्रपटसृष्टीतील प्रसिद्ध दिग्दर्शक आणि निर्माता करण जोहरनेही (karan johar) या चर्चेवर प्रतिक्रिया दिली आहे. करणचा असा विश्वास आहे की बॉलीवूड दिग्दर्शकाने आता ज्या गोष्टीत पारंगत आहे तेच केले पाहिजे आणि गर्दीचा भाग बनू नये. केजीएफच्या यशाबद्दल करणने आनंद व्यक्त केला, पण असे चित्रपट बॉलीवूडमध्ये बनवले असते, तर त्याला लिंच केले असते असे सांगितले.
एका मुलाखतीत करण म्हणाला, साऊथचे चित्रपट खूप चांगले काम करत आहेत कारण राजामौली, प्रशांत नील यांसारख्या दिग्दर्शकांना त्यांना काय करायचे आहे आणि ते कशात पारंगत आहेत हे माहित आहे. त्याशिवाय त्यांना कशाचीही पर्वा नाही. बॉलीवूडच्या दिग्दर्शकांनीही आता थोडं मागे जावं आणि ते ज्यात पारंगत असतील असे चित्रपट बनवावेत, हे मलाही लागू पडते. आपण मूर्खांसारखे सर्व काही करण्याची स्पर्धा करतो. ‘KGF’ चे रिव्ह्यू वाचून मी विचारात पडलो. मला वाटले की, जर आपण हा चित्रपट बनवला असता, तर आपल्याला लिंच केले गेले असते. पण आता सगळेच इथे KGF च्या यशाचा आनंद साजरा करत आहेत. जरी मला ते खूप आवडले, मला ते माझ्या मनापासून आवडले, परंतु तरीही मला वाटले की आपण हे केले असते तर काय झाले असते? अशाप्रकारे त्याने त्याचे वक्तव्य दिले होते.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
- ‘झाँसी की राणी’ चित्रपट बनवण्यासाठी सोहराब मोदींनी घेतली होती तब्बल ५० लेखकांची मदत, वाचा संपूर्ण कहाणी
- सनीला झालंय तरी काय? जॅकी, मिथुन दा अन् संजूला एकत्र पाहून म्हणाला, ‘मैं ढाई किलो का हाथ…’
- फॅमिली असावी तर अशी! मॉलमध्ये डान्स करणाऱ्या कुटूंबाचा व्हिडिओ सोशल मीडियावर होतोय तुफान व्हायरल
