छोट्या पडद्यावरील सर्वात लोकप्रिय रियॅलिटी क्विझ शो ‘कौन बनेगा करोडपती’ला जबरदस्त फॅन फॉलोइंग आहे. कोट्यवधी चाहते हा शो त्याच्या संकल्पना, सस्पेन्स आणि भावनांसाठी पाहतात. तर असे बरेच लोक आहेत ज्यांना हा शो फक्त सुपरस्टार अमिताभ बच्चन यांच्यामुळेच पाहायला आवडतो. मागील हंगामाच्या तुलनेत हा नवीन हंगाम देखील वेगळा आहे. कारण या वेळी शोमध्ये प्रेक्षक आहेत.
प्रेक्षकांसोबत अमिताभ बिग बींची मजा
गेल्या हंगामात प्रेक्षक नव्हते आणि सेटवर फक्त स्पर्धक असायचे. खुद्द अमिताभ बच्चन यांनी हे मान्य केले आहे की, जेव्हा प्रेक्षक असतात तेव्हा त्यांच्यामध्ये एक वेगळीच ऊर्जा येते. गुरुवारच्या एपिसोडमध्ये प्रेक्षकांमध्ये बसलेली अमिताभ यांची एका महिला चाहती खूप लक्ष वेधून घेत होती. त्या चाहतीने बिग बींना फ्लाइंग किस दिले. त्यावर अमिताभ बच्चन लाजले आणि म्हणाले की, अशा प्रकारे त्यांचे लग्न धोक्यात येईल.
काय होते संपूर्ण प्रकरण?
खरं तर, खेळाच्या दरम्यान जेव्हा स्पर्धक कल्पना दत्ताने १२,५०,०० रुपयांच्या प्रश्नाचे अचूक उत्तर दिले. तेव्हा एका महिला चाहतीने ब्रेक दरम्यान बिग बींना फ्लाइंग किस देण्यास सुरुवात केली. यावर अमिताभ बच्चन गमतीने म्हणाले की, “मॅडम बघा, मी तुम्हाला खरी गोष्ट सांगतो. माझ्या वैवाहिक जीवनात एक मोठा अडथळा येईल. तुम्ही इतके सारे किस पाठवली आहेत की, मी तुम्हाला काय सांगू.”
शोमध्ये येणार दीपिका पदुकोण
सुपरस्टार अमिताभ बच्चन यांच्या स्टाईलने नेहमीच चाहत्यांची मने जिंकली आहेत. अमिताभ हे अगदी साध्या आणि सोप्या पद्धतीने विनोद करतात. त्यांच्या याच साधेपणामुळे ‘कौन बनेगा करोडपती’ या शोची प्रसिद्धी दिवसेंदिवस वाढत चाली आहे. या शोच्या पुढील भागाबद्दल बोलायचे झाले, तर या वीकेंडला बॉलिवूड अभिनेत्री दीपिका पदुकोण आणि चित्रपट निर्माती फराह खान या दोघी ही ‘कौन बनेगा करोडपती’ या शोमध्ये येणार आहेत.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-प्रेमाला कोणतीही सीमा नसते! ‘या’ अभिनेत्रींनी स्वतःपेक्षा लहान वयाच्या मुलासोबत बांधली लग्नगाठ
-मराठी कलाकारांच्या घरात झाली श्रींची स्थापना, फोटो शेअर करून दाखवली बाप्पाची झलक
-मराठी कलाकारांच्या घरी झाले गणरायाचे आगमन, सुंदर फोटोंवर खिळल्या चाहत्यांच्या नजरा
