‘खतरों के खिलाडी’ या टीव्ही रियॅलिटी शोची प्रेक्षकांमध्ये एक वेगळीच क्रेझ आहे. आता या शोचा बारावा सीझन म्हणजेच ‘खतरों के खिलाडी १२’ प्रसारित होत आहे. या शोलाही खूप पसंती दिली जात आहे. विशेष म्हणजे, या शोला आता टॉप ५ फायनलिस्ट मिळाले आहेत. आता हा शो आणखी रंजक बनणार आहे. या शोचे सूत्रसंचालन रोहित शेट्टी (Rohit Shetty) करत आहे.
केपटाऊनमध्ये सुरू आहे शूटिंग
शोचे स्पर्धक अतिशय जोमाने हे धोकादायक स्टंट करत आहेत आणि शो सुरू आहे. अनेक खेळाडू या शोमधून बाहेर पडले असले, तरी जे आहेत त्यांनी मात्र पूर्ण रंगत ठेवली आहे. शोला त्याचे पाच फायनलिस्ट मिळाले आहेत आणि शो आता लवकरच संपण्याच्या मार्गावर आहे. रोहित शेट्टीने होस्ट केलेल्या या शोने नेहमीच टीआरपीच्या यादीत स्थान मिळवले आहे आणि पुन्हा एकदा हा शो प्रेक्षकांची मने जिंकत आहे. या शोचे शूटिंग सध्या केपटाऊनमध्ये सुरू आहे. (khatron ke khiladi season 12 top 5 contestants)
