करण जोहर याच्या टॉक शो ‘कॉफी विथ करण’च्या तिसऱ्या पर्वात अक्षय कुमार आणि समंथा रुथ प्रभू ही अनोखी जोडी एकत्र दिसणार आहे. अक्षय यापूर्वी अनेकदा शोमध्ये दिसला आहे, तर सामंथा पहिल्यांदाच या शोमध्ये दिसणार आहे. मात्र, तिच्या पहिल्या एंट्रीमध्येही समंथा करण जोहरसोबत मस्तीच्या मूडमध्ये दिसत आहे. इतकंच नाही तर तुटलेल्या लग्नासाठी सामंथाने करणला जबाबदार धरलं आहे. करण जोहरविरुद्ध समंथाच्या या हल्ल्यात अक्षयही तिला पूर्ण पाठिंबा देताना दिसत आहे.
शोच्या तिसऱ्या भागात, अक्षय कुमार (Akshay kumar) त्याच्या खऱ्या खिलाडी अवतारात सामंथा रुथ प्रभू (Samantha Ruth Prabhu)ला ऊचलून घेऊन प्रवेश करताना दिसत आहे. यासह, शोमध्ये तिसर्‍यांदा उपस्थिती दर्शवत, तो जे करतो ते त्याने नेहमीच केले आहे.
त्याचवेळी, या शोमध्ये करण जोहर( Karan Joahar) अक्षय कुमारला ऑस्करच्या वादग्रस्त कथेला जोडून एक प्रश्न विचारणार आहे, ज्याला अक्षयही चोखपणे उत्तर देताना दिसत आहे. क्रिस रॉक-विल स्मिथ ऑस्कर थप्पड प्रकरणाला जोडून करण जोहरने अक्षय कुमारला विचारले, “जर क्रिस रॉकने टीना (ट्विंकल खन्ना) बद्दल विनोद केला तर तू काय करशील?” यावर अक्षय म्हणाला की, “त्याच्या अंत्यसंस्काराचा सर्व खर्च मी उचलेन.”
समंथा रुथ प्रभू करण जोहरला विचारताना दिसणार आहे की, “जर तुम्हाला तुमच्या बेस्ट फ्रेंडची बॅचलर पार्टी होस्ट करायची असेल, तर तुम्ही कोणत्या दोन बॉलीवूड कलाकारांना डान्स करायला घ्याल?” यावर अभिनेत्री म्हणाली की, “रणवीर सिंग, रणवीर सिंग.”
कॉफी विथ करण (Koffee With Karan) शोचा हा नवीन भाग खूप धमाल करणार आहे, हे या प्रोमोवरून स्पष्ट होत आहे. शोचा नवीन भाग डिस्नी प्लस हॉटस्टारवर दर गुरुवारी संध्याकाळी ७ वाजता प्रसारित होतो.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
ढळला पदर खिळल्या नजरा! प्राजक्तानंतर मराठी अभिनेत्रीच्या बोल्ड फोटोंची सोशल मीडियावर चर्चा
अबब! अवघ्या काही सेकंदाच्या जाहिरातीसाठी कलाकार घेतात ‘इतके’ मानधन, आकडा पाहून होतील डोळे पांढरे
