गेल्या काही काळापासून, काही निवडक बॉलिवूड चित्रपट थिएटरमध्ये पुन्हा प्रदर्शित होत आहेत. याच अनुषंगाने, महिला दिनानिमित्त, २०१४ मध्ये प्रदर्शित झालेला आलिया भट्टचा ‘हायवे’ हा चित्रपट पुन्हा एकदा चित्रपटगृहात दाखल होणार आहे.
ही माहिती स्वतः चित्रपट निर्मात्यांनी सोशल मीडियावर दिली आहे. आजपासून म्हणजेच ७ मार्चपासून हा चित्रपट पुन्हा एकदा चित्रपटगृहात पाहता येईल. इंस्टाग्रामवर चित्रपटाचा पोस्टर शेअर करताना निर्मात्यांनी लिहिले की, “या महिला दिनी, स्वातंत्र्य आणि शक्तीच्या प्रवासाला सुरुवात करा. नाडियादवाला ग्रँडसन एंटरटेनमेंट कुटुंब निर्भय महिलांच्या भावनेचा उत्सव साजरा करते. ‘हायवे’ ७ मार्च २०२५ रोजी प्रदर्शित होत आहे. इम्तियाज अली दिग्दर्शित हा चित्रपट ७ मार्च ते १३ मार्च दरम्यान पीव्हीआर आणि आयनॉक्स थिएटरमध्ये महिला दिनाच्या आठवड्यात प्रदर्शित होईल.
‘हायवे’च्या पुनर्प्रदर्शनाबद्दल बोलताना, चित्रपटाचे निर्माते साजिद नाडियाडवाला म्हणाले, “हायवे हा आमच्या सर्वात आवडत्या चित्रपटांपैकी एक आहे आणि अजूनही त्याला खूप प्रेम मिळते. हा एक संस्मरणीय चित्रपट आहे जो पुन्हा एकदा पाहिला पाहिजे. आलिया भट्ट आणि रणदीप हुड्डा यांनी चित्रपटात उत्कृष्ट अभिनय केला आहे. मला आनंद आहे की या महिला दिनी प्रेक्षकांना पुन्हा एकदा मोठ्या पडद्यावर हा सुंदर चित्रपट पाहण्याची संधी मिळेल.”
‘हायवे’ हा चित्रपट बॉलिवूडमधील सर्वोत्तम चित्रपटांमध्ये गणला जातो. या चित्रपटाने आलिया भट्टच्या कारकिर्दीला चालना दिली, कारण या चित्रपटात ती पहिल्यांदाच वेगळ्या अंदाजात दिसली.
चित्रपटाच्या कथेबद्दल बोलायचे झाले तर, ‘हायवे’ ही वीरा त्रिपाठी (आलिया भट्ट) या मुलीची कथा आहे, जिला हायवेजवळील पेट्रोल पंपावरून अपहरण केल्यानंतर स्वातंत्र्य मिळते. या चित्रपटाला प्रेक्षक आणि समीक्षक दोघांकडूनही चांगला प्रतिसाद मिळाला. या चित्रपटात आलियासोबत रणदीप हुड्डा मुख्य भूमिकेत आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
हनी सिंग अडचणीत! या गाण्याविरुद्ध अभिनेत्री नीतू चंद्रा पोहोचली पाटणा उच्च न्यायालयात
