बॉलिवूडमधील हिट आयटम गाण्यांपैकी एक असलेल्या ‘छैय्या छैय्या’ या गाण्याने प्रेक्षकांच्या हृदयात विशेष स्थान बनवले आहे. या गाण्याने मलायका अरोराला एका रात्रीत स्टार बनवले होते. या गाण्यामुळे तिला एक उत्तम डान्सर म्हणूनही ओळखू लागले होते. मात्र, तुम्हाला माहित आहे का मलायका अरोरा या आयटम साँगची पहिली पसंती नव्हती.
मलायका ‘छैय्या छैय्या’साठी पहिली पसंती नव्हती
शाहरुख खानचा ‘दिल से’ हा चित्रपट फ्लॉप झाला होता. मात्र, या चित्रपटातील गाण्यांनी मोठी धमाल केली. विशेषत: रेल्वेवर चित्रित केलेले ‘छैय्या छैय्या’ हे गाणे प्रदर्शित होताच मलायका स्टार बनली. या गाण्याच्या प्रत्येक स्टेप्सचे अनुसरण केले जात होते. प्रत्येक गल्लीत हे गाणं वाजू लागले होते. मात्र, मलायका ही या गाण्यासाठी पहिली पसंती नव्हती.
फराह खानने खुलासा केला
‘छैय्या छैय्या’ या गाण्याची कोरियोग्राफी करणाऱ्या फराह खानने इंटरनॅशनल फिल्म फेस्टिव्हल ऑफ इंडिया (IFFI) मध्ये याचा खुलासा केला होता. या गाण्यासाठी रवीना टंडन आणि शिल्पा शेट्टीशी संपर्क साधण्यात आल्याचे देखील फराहने सांगितले होते, पण हे गाणे कोणी केले नाही. यानंतर मलायकाने हे गाणे केले आणि ती एक स्टार बनली.
रेल्वे स्थानकात चित्रीकरणाची परवानगी देण्यात आली नव्हती
या गाण्याच्या चित्रीकरणासाठी तिला किती अडचणींना सामोरे जावे लागले, हे फराह खानने सांगितले आहे. फराह म्हणाली की, “आम्हाला रेल्वे स्टेशनवर हे गाणे चित्रीत करण्याची परवानगी मिळाली नाही. म्हणून आम्ही ते रेल्वेवर चित्रीत केले. आम्ही हे गाणे चार दिवसात चित्रीत केले आणि एकही व्यक्ती खाली पडला नाही.
मलायका अरोराबद्दल बोलायचे झाले, तर तिने स्वतःला अभिनयापासून दूर ठेवले आहे. दरम्यान, तिने निश्चितच अनेक आयटम साँग्स केली आहेत. त्या आयटम साँग्समध्ये तिने तिचे प्रचंड नाव कमावले आहे.
तिच्या वैयक्तिक आयुष्याबाबत बोलायचं झालं, तर मलायका आणि अरबाजचा खान २०१७ मध्ये घटस्फोट झाला आणि घटस्फोटाच्या काही काळानंतर मलायका अरोराने तिच्या अफेअरची माहिती लोकांना दिली. सध्या मलायका कपूर खानदानातील अभिनेता अर्जुन कपूरसोबत रिलेशनशिपमध्ये आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-काय सांगता! समंथा अक्किनेनी अन् नागा चैतन्यच्या नात्यात दुरावा? अभिनेत्रीने दिली ‘ही’ प्रतिक्रिया
-‘सैराट’ फेम आर्चीच्या लूकमध्ये आलाय कमालीचा बदल; चाहत्यांकडून थेट श्रीदेवींशी केली जातेय तुलना
