संतोष जुवेकर मराठीमधील पिळदार शरीरयष्टी असलेला एक दमदार अभिनेता. संतोषने त्याच्या अभिनयाने आणि त्याच्या ऍक्शने मराठी प्रेक्षकांना अक्षरशः वेड लावले. संतोषचे सिनेमे बघता संतोषला मराठीमधील अँग्री यंग मॅन म्हटले तरी अतिशयोक्ती ठरणार नाही.
संतोषने २००४ साली मालिकेतून या मनोरंजनाच्या क्षेत्रात एन्ट्री केली. त्यानंतर त्याने त्याच्या अभिनयाच्या जोरावर अनेक मालिका, नाटकं आणि चित्रपटांमध्ये अभिनय केला. त्याने मराठीसोबतच हिंदीमध्ये देखील त्याच्या अभिनयाची चुणूक दाखवली आहे.
सध्या संतोष आणि त्याची एक मस्त पोस्ट सोशल मीडियावर खूप व्हायरल होत आहे. यात संतोषचा शर्टलेस फोटो दिसत असून या फोटोसोबत त्याची एक मजेशीर पोस्ट फॅन्सचे लक्षवेधून घेत आहे. या पोस्ट मध्ये त्याने लिहिले आहे, “Lockdown संपल की कधीही मालाला मागणी येऊ शकते त्यामुळे दुकानं सुरु व्हायच्या आधी आपलं दुकान टकाटक ठेवलं पाहिजे तरच गिऱ्हाईक गर्दी करणार. तो लगे रहो संत्या भाय.”
https://www.facebook.com/591320049/posts/10159402965430050/?d=n
त्याचा हा हॉट फोटो त्याच्या फॅन्समध्ये खूप लोकप्रिय होत आहे. या फोटोमधील त्याची आकर्षक बॉडी आणि स्टायलिश लूक पाहून तरुणींसोबतच तरुण देखील त्याच्यावर फिदा होतील. त्याचा कमालीचा फिटनेस पाहून त्याने लॉकडाऊनचा सदुपयोग केल्याच्या कमेंट्स त्याला मिळत आहे. यापूर्वीही त्याने शर्टलेस फोटो शेअर केले आहेत.
संतोष सोशल मीडियावर मोठ्या प्रमाणात सक्रिय आहे. याच माध्यमातून तो त्याच्या फॅन्ससोबत संवाद साधत असतो. शिवाय त्याचे वेगवेगळे फोटो, व्हिडिओ सतत पोस्ट देखील करत असतो.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
