मराठी चित्रपटसृष्टीमध्ये अनेक अभिनेत्री आहेत, ज्यांनी आपली ओळख निर्माण करण्यासाठी खूप मेहनत घेतली आहे. तसेच यासाठी त्यांना खूप काळ लागला आहे. परंतु, अगदी कमी कालावधीत आपलं नाव कमावणाऱ्या अभिनेत्री खूप कमी आहेत. यातीलच एक नाव म्हणजे अभिनेत्री मिताली मयेकर. मितालीने चित्रपटसृष्टीमध्ये पदार्पण करून काही जास्त काळ लोटला नाही. तरी देखील आज ती खूप लोकप्रिय आणि प्रसिद्ध आहे. अवघ्या २४ वर्षाच्या मितालीने तिची एक वेगळीच ओळख निर्माण केली आहे. ती सोशल मीडियावर देखील मोठ्या प्रमाणात सक्रिय असते. अशातच तिच्या चाहत्यांसाठी तिने नुकताच एक फोटो शेअर केला आहे.
मितालीने इंस्टाग्राम अकाऊंटवरून तिचा एक फोटो शेअर केला आहे. या फोटोमध्ये तुम्ही पाहू शकता की, तिने प्लेन पिवळ्या रंगाची साडी नेसली आहे. यावर तिने हिरव्या रंगाचा ब्लाऊज घातला आहे. तिने हातात हिरव्या रंगाच्या बांगड्या घातल्या आहेत. कानात ऑक्साईड ईअरिंग घालून कपाळी छोटीशी टिकली लावली आहे. या फोटोमध्ये ती खूपच गोड दिसत आहे. (Marathi actress mitali mayekar share her saree look photos on social media)
तिचा हा लूक तिच्या चाहत्यांना खूप आवडला आहे. अनेकजण या फोटोवर त्याच्या प्रतिक्रिया देत आहेत. या फोटोवर अभिनेत्री गौरी नलावडे हिने “ब्युटीफुल,” अशी कमेंट केली आहे. तसेच एका चाहत्याने “खूप खूप जास्त सुंदर दिसताय,” अशी कमेंट केली आहे. तिच्या या फोटोला ५५ हजारांपेक्षाही जास्त लाईक्स मिळाले आहेत.
मिताली मयेकरच्या कामाबद्दल बोलायचे झाल्यास, तिने ‘उर्फी’, ‘फ्रेशर्स’, ‘यारी दोस्ती’, ‘बिल्लू’, ‘आम्ही बेफिकीर’, ‘घेतला वसा टाकू नको’ अशा चित्रपटांमध्ये काम केले आहे. तसेच तिने काही दिवसांपूर्वी झी मराठीवरील ‘लाडाची गं लेक मी’ या मालिकेत मुख्य भूमिकेत काम केले आहे. तिने याच वर्षी तिचा बॉयफ्रेंड सिद्धार्थ चांदेकर याच्याशी लग्न केले आहे. तो देखील एक अभिनेता आहे. तो सध्या स्टार प्रवाहावरील ‘सांग तू आहेस ना’ या मालिकेत काम करत आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-‘अशक्य सुंदर’, अमृता खानविलकरचा फोटो पाहून चाहते तर सोडाच, कलाकारांनीही पाडला कमेंट्सचा पाऊस
-‘कुछ कुछ होता है अभ्या…’, म्हणत ‘सुंदरा मनामध्ये भरली’ फेम अक्षयाने मजेशीर फोटो केले शेअर
-‘तू तुझा प्रोग्राम सुरू कर, मीच बॉस म्हणून’, वीकेंडला मांजरेकरांकडून मीरा अन् गायत्रीची खरडपट्टी
