मराठी ‘बिग बॉस’चं दुसरं पर्व खूपच गाजलं होतं. या पर्वामध्ये अनेक कलाकार सामील झाले होते. यामध्ये प्रेम, मस्ती, विनोद, मनोरंजन, डान्स, गाणं या सगळ्या गोष्टींचा प्रेक्षकांनी अगदी भरभरून आनंद घेतला होता. यातील स्पर्धक देखील खूप अतरंगी होते. यातीलच एक स्पर्धक म्हणजे रुपाली भोसले. रुपाली ही मराठी चित्रपटसृष्टीतील एक प्रसिद्ध अभिनेत्री आहे. तसेच तिने अनेक हिंदी मालिकांमध्ये देखील काम केले आहे. रुपाली सोशल मीडियावर देखील मोठ्या प्रमाणात सक्रिय असते. अशातच तिचे काही नवीन लूकमधील फोटो समोर आले आहेत.
रुपालीच्या सोशल मीडिया अकाऊंटवर तिचे काही फोटो व्हायरल झाले आहेत. या फोटोमध्ये ती अगदी ग्लॅमरस अंदाजात दिसत आहे. तिने काळ्या रंगाचा एक ग्लॅमरस ड्रेस घातला आहे. यात तिने सगळे केस मागे बांधले आहेत. यामध्ये ती वेगवेगळ्या पोझ देत आहे. खरं तर बिग बॉसच्या घरात असतानाच आपण तिचा फॅशन सेन्स पाहिला आहे. तिचा प्रत्येक लूक तिच्या चाहत्यांना आवडत असायचा. तिचा हा लूक देखील चाहत्यांच्या पसंतीस पडला आहे. (Marathi actress rupali bhosale share her glamorous photos on social media)
तिच्या एका चाहत्याने या फोटोवर कमेंट केली आहे की, “खरंच या ड्रेसमध्ये खूप सुंदर दिसत आहे.” यासोबत अनेक चाहते या फोटोवर हार्ट ईमोजी पोस्ट करत आहेत. तिचे चाहते तिच्या अभिनयाचे देखील कौतुक करत आहेत.
रुपाली भोसलेने अनेक मराठी तसेच हिंदी मालिकांमध्ये आणि चित्रपटात काम केले आहे. तिने ‘बडी दूर से आये है’, ‘दोन किनारे दोघी आपण’, ‘चांदी’, ‘मुक्ती’, ‘जुबान संभाल के’, ‘आजोबा वयात आले’ यांसारख्या मालिकांमध्ये काम केले आहे. पण बिग बॉसने तिला खूप ओळख निर्माण करून दिली. सध्या ती स्टार प्रवाहवरील ‘आई कुठे काय करते’ या मालिकेत काम करत आहे. या मालिकेतील तिचे ‘संजना’ नावाचे पात्र चांगलेच गाजले. नकारात्मक भूमिकेत असूनही तिने प्रेक्षकांची वाहवा मिळवली आहे. या मालिकेत आपल्याला अनेक वळणं पाहायला मिळत आहेत.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
–बॉलिवूडचे ‘हे’ मोठे सिनेमे ठरले नुसताच फुसका बार, कमाईतून बजेट वसूल करणे देखील झाले मुश्किल
–बॉलिवूडच्या ‘या’ दिग्गज अभिनेत्रींनी लग्नानंतर त्यांच्या यशस्वी चित्रपटांच्या करिअरला ठोकला रामराम
