छोट्या पडद्यावरून चित्रपटसृष्टीत पदार्पण करण्यासाठी कलाकारांना अनेक वर्ष मेहनत करावी लागते. अभिनयाच्या कसोटीला उतरावे लागते. मात्र, काही अभिनेत्री अशा असतात की, त्या खूप कमी कालावधीत त्यांचा हा टप्पा पार करतात. याच यादीतील एक नाव म्हणजे सायली संजीव. ‘काहे दिया परदेश’ या मालिकेतून टेलिव्हिजनवर पदार्पण करणाऱ्या या अभिनेत्रीने आता चित्रपटसृष्टीत तिचे एक अढळ स्थान निर्माण केले आहे. तिच्या अभिनयासोबत तिच्या सौंदर्याचे नेहमीच कौतुक होत असते. सोशल मीडियावर ती चाहत्यांशी जोडून असते. अशातच तिचा साडीमधील एक फोटो समोर आला आहे.
सायलीने अधिकृत इंस्टाग्राम अकाउंटवरून तिचे काही साडीमधील फोटो शेअर केले आहेत. या फोटोमध्ये आपण पाहू शकतो की, तिने लाल रंगाची पैठणी घातली आहे. यावर तिने हिरव्या रंगाचा स्लीव्हलेस आणि बॅकलेस ब्लाऊज घातला आहे. यासोबत तिने नाकात नथ घातली आहे आणि सगळे केस मोकळे सोडले आहेत. या फोटोमध्ये एकंदरीत ती खूप छान दिसत आहे. (Marathi actress sayali sanjeev share her saree look photos on social media)
तिचा हा फोटो तिच्या चाहत्यांना खूप आवडला आहे. तिचे चाहते तसेच अनेक कलाकार देखील या फोटोवर प्रतिक्रिया देत आहेत. या फोटोवर शिवानी बावकरने “ओह,” अशी कमेंट केली आहे. तसेच अन्विता फलटणकरने “आहा,” अशी कमेंट केली आहे. तिचे चाहते देखील या फोटोवर कमेंट करत आहेत. तिच्या एका चाहत्याने कमेंट केली आहे की, “साडी ऋतूने गिफ्ट दिली का.” आणखी एकाने कमेंट केली आहे की, “हा सगळा खटाटोप ऋतुराजसाठी चालू आहे.” आणखी एकाने कमेंट केली आहे की, “लवकर लग्न कर आता ऋतुराजसोबत.”
काही दिवसांपूर्वी भारतीय क्रिकेटर ऋतुराज गायकवाड आणि सायली संजीव हे दोघे ही सोशल मीडियावर एकमेकांच्या पोस्ट लाईक करून कमेंट देखील करत होते. त्यामुळे ते दोघे रिलेशनमध्ये आहे, अशा जोरदार चर्चा चालू होत्या.
सायलीच्या कामाबद्दल बोलायचे झाल्यास, ‘काहे दिया परदेस’ मालिकेत सायलीने गौरीची भूमिका साकारली होती. गौरीची भूमिका साकारत, अभिनेत्रीने प्रेक्षकांच्या मनात अढळ स्थान निर्माण केले. त्यानंतर अभिनेत्रीने चित्रपटसृष्टीत ही पाऊल ठेवले. तिने ‘पोलीस लाईन’, ‘आटपाडी नाईट्स’, ‘मन फकीरा’, ‘सातारचा सलमान’, ‘एबी आणि सीडी’, ‘झिम्मा’, ‘गोष्ट एका पैठणीची’ अशा मराठी चित्रपटामध्ये अभिनय करून रसिकांची मने जिंकली आहे. सायलीने कलर्स मराठीवरील ‘शुभमंगल ऑनलाईन’ या मालिकेत सुयश टिळकसोबत काम केले आहे. या मालिकेने नुकतेच प्रेक्षकांचा निरोप घेतला आहे.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-तपकिरी रंगाच्या ड्रेसमध्ये खुललं स्पृहाचं सौंदर्य, पाहायला मिळाला अभिनेत्रीचा ग्लॅमरस अंदाज
-‘सौंदर्यासाठी लहान कपड्यांची गरज नाही…’, मराठमोळ्या मानसी नाईकची ‘ती’ पोस्ट आली चर्चेत
