भारतातील मुलींच्या लग्नाच्या अवाजवी अपेक्षेवर सोनाली कुलकर्णी म्हणाली “मुलगा हवाय की मॉलमधील ऑफर?

मराठमोळी अभिनेत्री सोनाली कुलकर्णी ही आघाडीच्या अभिनेत्रींपैकी एक आहे. तिने मराठी, हिंदी, इंग्रजी, इटालियन, बंगाली, तामीळ, तेलगू, अशा 7 वेगवेगळ्या भाषांमधील चित्रपटामध्ये अभिनेत्रीने काम केले आहे. तिने तिच्या अभिनयाने एक विशेष ओळख निर्माण केली आहे. ती सोशल मीडियावर देखील खूप सक्रिय आहे. तसेच अभिनेत्री विविध कार्यक्रमांना हजेरी लावत असते. त्याचप्रमाणे ती नेहमी परखड मत ती मांडत असते. नुकत्याच एका कार्यक्रमाला तिने हजेरी लावली होती. यात तिने मुलींची लग्नाबाबतची अवाजवी अपेक्षा आणि मागणी याबद्दल बोलतानाचा व्हिडीओ व्हायरल झाला आहे. चाल तर बघूया अभिनेत्री नक्की काय म्हणाली आहे?

अभिनेत्री सोनाली कुलकर्णी (Actress sonali kulkarni) ही तिच्या चित्रपटांमुळे चर्चेत असते. तिच्या अभिनायचे कौतुकही केले जाते. ती नेहमी तिचे ठाम मत मांडत असते. असाच तीचा एक व्हिडीओ सोशल मिडियावर सध्या जोरदार व्हायरल होत आहे.

या व्हिडीओ मध्ये अभिनेत्रीने म्हंटले आहे की, ”भारतातील खुप बऱ्याच मुली आळशी आहे. त्यांना एक असा बॉयफ्रेंड किवा नवरा पाहिजे, ज्याच्याकडे घर, चांगली नोकरी आणि पगार वाढण्याची खात्री असेल. पण त्या मुलीमध्ये एवढी हिंमत नसते की, ती म्हणेल जेव्हा तू माझ्यासोबत लग्न करशील तेव्हा मी आपल्या दोघांसाठी काय करु शकते?”

पुढे ती म्हणते, सगळ्यांना विनंती आहे की, ”तुमच्या घरात स्त्रीला अशी समान वागणूक द्या की, ती सक्षम होईल, स्वतःसाठी कमवू शकेल, जी म्हणेल की घरात नवीन फ्रीज घ्यायचा असेल तर ती म्हणेल की, अर्धे पैसे मी देते आणि अर्धे पैसे तु दे.”