आयुष्य कधीतरी एका अशा वळणावर येते, जिथे पुढे काय होणार आहे, हे कोणीच सांगू शकत नाही. म्हणूनच म्हणतात की, ‘लाईफ इज फुल्ल ऑफ सरप्राइजेस अँड मिरॅकल्स’. याच आशयाचा ‘सरी’ चित्रपट लवकरच प्रेक्षकांच्या भेटीला येणार आहे. नुकतेच या चित्रपटाचे पोस्टर सोशल मीडियावर झळकले असून येत्या ५ मे रोजी हा चित्रपट प्रदर्शित होणार आहे. प्रेमाचा त्रिकोण असलेल्या या चित्रपटात अजिंक्य राऊत, रितिका श्रोत्री, पृथ्वी अंबर आणि मृणाल कुलकर्णी प्रमुख भूमिकेत दिसतील.
कॅनरस प्रॉडक्शन्स प्रस्तुत डॉ. सुरेश नागपाल, आकाश नागपाल निर्मित या चित्रपटाचे लेखन, संकलन आणि दिग्दर्शन अशोका के. एस. यांनी केले आहे. दाक्षिणात्य सिनेसृष्टीतील नामवंत दिग्दर्शक अशोका के. एस. आणि अभिनेता पृथ्वी अंबर ‘सरी’ या चित्रपटाच्या निमित्ताने प्रथमच मराठीत पदार्पण करत आहेत. रिलायन्स एंटरटेनमेंटने या चित्रपटाच्या वितरणाची धुरा सांभाळली आहे.
चित्रपटाबद्दल दिग्दर्शक अशोका के. एस. म्हणतात, ” मी प्रथमच मराठीत चित्रपट दिग्दर्शित करत आहे. मराठीत सिनेसृष्टीत काम करताना मजा आली. मराठी कलाकार अतिशय प्रतिभाशाली आहेत. चित्रपटाबद्दल सांगायचं तर ही एक प्रेमकहाणी आहे. प्रेमात पडलेल्या तरुणतरुणींच्या आयुष्यात अनेक वळणे येतात, अनेक आश्चर्यकारक घटना घडतात, चमत्कार घडतात, ज्यांचा कधी कोणी विचारही केलेला नसतो. मनाला भिडणारी ही कथा आहे, जी प्रेक्षकांना नक्कीच भावेल.”
हा चित्रपट 5 मे रोजी प्रदर्शित होणार आहे. हा चित्रपट पाहण्यासाठी चाहतेही उत्सुक आहे. (marathi-upcoming-movie-sari-release-on-5-may-in-theater)
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
उर्फी जावेदने ‘या’ मोठ्या कारणासाठी दिला रोहित शेट्टीच्या खतरो के खिलाडी शोला नकार
अभिनेते शाहबाज खान यांनी आईच्या सांगण्यावरून सोडले संगीत, काय आहे यामागची गोष्ट? एकदा जाणून घ्याच
