बॉलीवूड अभिनेता-दिग्दर्शक पलाश मुच्छल आणि भारतीय महिला क्रिकेट संघाची स्टार खेळाडू स्मृती मंधाना यांच्या लग्नाच्या चर्चांनी अलीकडे मोठी खळबळ उडवली होती. नोव्हेंबरमध्ये होणाऱ्या या हाय-प्रोफाइल लग्नाची जोरदार तयारी सुरू होती. प्री-वेडिंग फंक्शन्सही पार पडले होते आणि इंडस्ट्रीतील तसेच जवळचे मित्रमंडळी उपस्थित होती. मात्र, लग्नाच्या दिवशीच अचानक सर्व काही बदलले.
सुरुवातीला अशी माहिती देण्यात आली की स्मृती मंधानांच्या(Smriti Mandhana) वडिलांची प्रकृती अचानक खालावली, त्यामुळे लग्न तात्पुरते पुढे ढकलण्यात आले. कुटुंबीय आणि जवळच्या लोकांकडूनही हाच खुलासा करण्यात आला होता. पण काही दिवसांतच सोशल मीडियावर वेगळीच चर्चा सुरू झाली. काही रिपोर्ट्समध्ये पलाश मुच्छलच्या कथित धोख्यामुळे लग्न तुटले असल्याचे दावे केले जाऊ लागले, ज्यामुळे पलाशवर अनेक आरोप होऊ लागले.
या सगळ्या वादात आता अभिनेता नंदिश संधू यांची प्रतिक्रिया समोर आली आहे. नंदिश हे पलाश-स्मृतीच्या मेहंदी समारंभात सहभागी झाले होते. ‘मिस मालिनी’शी बोलताना त्यांनी स्पष्ट केले की, “हा विषय अतिशय संवेदनशील आहे. अशा वेळी कोणताही निष्कर्ष काढणे योग्य नाही. पलाश मुच्छललाही त्याची बाजू मांडण्याची संधी मिळाली पाहिजे.”
नंदिश यांच्या मते, एकतर्फी आरोपांवरून कुणालाही दोषी ठरवणे चुकीचे आहे. दोन्ही बाजू समोर आल्यानंतरच मत बनवणे योग्य ठरेल.
नंदिश यांनी सांगितले की ते स्वतः सांगलीला लग्नासाठी गेले होते, तेथेच त्यांना लग्न होत नसल्याची माहिती मिळाली. त्यांनी हेही स्पष्ट केले की स्मृती मंधानांच्या वडिलांची तब्येत खरोखरच खराब होती आणि ते रुग्णालयात दाखल होते.
ते म्हणाले, “जे सांगितले गेले होते, तेच सत्य होते. स्मृतींच्या वडिलांची तब्येत ठीक नव्हती, म्हणून लग्न पुढे ढकलण्यात आले.”
नंदिश यांनी दुःख व्यक्त करत सांगितले की, लग्न रद्द झाल्यानंतर फक्त पलाश मुच्छललाच लक्ष्य करण्यात आले, जे चुकीचे आहे. अपूर्ण माहितीवर आधारित आरोप कोणालाही त्रासदायक ठरू शकतात, असेही त्यांनी नमूद केले. एकूणच, पलाश मुच्छल आणि स्मृती मंधाना यांच्या लग्नाबाबतचा वाद अजूनही पूर्णपणे स्पष्ट झालेला नाही, आणि दोन्ही बाजूंची सत्यता समोर येणे बाकी आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
कॅन्सरशी झुंज देताना प्रसिद्ध अभिनेत्री जया वाहिनी यांचे निधन, चित्रपटसृष्टीत शोककळा
