नीना गुप्ता आणि विवियन रिचर्ड्स यांची मुलगी मसाबा गुप्ता आई झाली आहे. शुक्रवारी 11 ऑक्टोबर रोजी तिने एका मुलीला जन्म दिला. नीना गुप्ता यांनी आजी झाल्याबद्दल आनंद व्यक्त केला आहे. आज सोमवारी त्यांनी इंस्टाग्रामवर चाहत्यांना बाळाची पहिली झलक दाखवली आणि एक सुंदर संदेशही लिहिला.
नीना गुप्ताने त्यांच्या अधिकृत इंस्टाग्राम अकाउंटवरून एक पोस्ट शेअर केली आहे. फोटोमध्ये त्या लहान मुलीसोबत दिसत आहे. फोटोमध्ये मुलीचा चेहरा दिसत नाही. नीना गुप्ता आपल्या मुलीकडे मोठ्या प्रेमाने पाहत आहे. यासोबतच त्यांनी लिहिले आहे, ‘माझ्या मुलीची मुलगी – परमेश्वराने दिली’.
नीना गुप्ता यांच्या पोस्टवर चाहते त्यांचे अभिनंदन करत आहेत. याशिवाय फिल्मी जगतातील प्रसिद्ध व्यक्तिमत्वही बाळाला आशीर्वाद देत आहेत. भूमी पेडणेकरपासून रकुलप्रीतपासून कोंकणा सेन शर्मा आणि दिया मिर्झापर्यंत सर्वांनी नीना गुप्ताचे अभिनंदन केले आहे. मसाबा गुप्ताने 2023 मध्ये सत्यदीप मिश्रासोबत लग्न केले. या दाम्पत्याच्या कुटुंबात पहिले अपत्य म्हणून मुलीचा जन्म झाला आहे.
मसाबा ही नीना गुप्ता आणि वेस्ट इंडिजचे माजी क्रिकेटपटू विवियन रिचर्ड यांची मुलगी आहे. तीचा जन्म 1989 साली झाला. मसाबा व्यवसायाने फॅशन डिझायनर आहे. सत्यदीप मिश्रापूर्वी मसाबाचे पहिले लग्न निर्माते मधु मंतेनासोबत झाले होते, मात्र हे लग्न फार काळ टिकले नाही आणि दोघांचा घटस्फोट झाला.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
श्रद्धा कपूरने केली रिलेशनशिपमध्ये असल्याची पुष्टी; म्हणाली, ‘मी माझ्या जोडीदारासोबत आहे…’
