सोनाक्षी सिन्हाने नुकताच तिचा वाईट अनुभव शेअर केला. अभिनेत्रीने सांगितले की, एकदा एका अभिनेत्याने तिच्यासोबत काम करण्यास नकार दिला होता. अभिनेत्याने सांगितले की ती त्याच्यापेक्षा वयाने मोठी दिसते. सोनाक्षीने अभिनेत्याचे नाव उघड केले नाही, परंतु प्रत्यक्षात अभिनेता स्वतःहून अनेक वर्षांनी मोठा असल्याचे नमूद केले. तिच्यासोबत घडलेल्या या घटनेचे उदाहरण देताना सोनाक्षी म्हणाली की, इंडस्ट्रीत पुरुषांना त्यांच्या वयामुळे अशी लाज वाटत नाही.
सोनाक्षी सिन्हा म्हणाली की ती स्वतःला भाग्यवान समजते की तिला त्या कलाकारासोबत काम करावे लागले नाही, कारण तिला स्वतःला अशा लोकांसोबत काम करण्यात रस नाही. नुकतेच एका मुलाखतीदरम्यान सोनाक्षीला विचारण्यात आले की, इंडस्ट्रीत महिलांवर कोणत्या प्रकारचे दबाव असतात? सोनाक्षी म्हणाली, ‘इंडस्ट्रीमध्ये नायकांकडून अशा कोणत्याच अपेक्षा नसतात, त्यांना त्यांच्या वयाचा त्रास सहन करावा लागत नाही, हे अगदी स्पष्ट आहे.
सोनाक्षी सिन्हा झूम वरील संभाषणात म्हणाली, ‘जेव्हा नायक पडद्यावर त्याच्यापेक्षा 30 वर्षांनी लहान असलेल्या अभिनेत्रीच्या प्रेमात पडतो तेव्हा त्याला त्याच्या वयाची लाज वाटत नाही. त्यांना त्यांच्या शरीराच्या प्रकाराबद्दल काहीही सांगितले जात नाही. त्याचबरोबर याचा फटका महिलांना सहन करावा लागत आहे. हा फरक स्पष्ट आहे’.
सोनाक्षी पुढे म्हणाली, ‘सत्य हे आहे की मला स्वत: माझ्यापेक्षा वयाने मोठ्या असलेल्या अशा अभिनेत्यांचा सामना करावा लागला आणि त्यानंतरही ते म्हणाले की ‘ती आमच्यापेक्षा मोठी दिसते’. मला फक्त त्याचे आभार मानायचे आहेत. मला तुमच्यासारख्या लोकांसोबत काम करायचे नाही. अशा गोष्टींशी महिलांना नेहमीच संघर्ष करावा लागतो. तीच या अडथळ्यांवर मात करून, संघर्ष करून मार्ग काढते.
सोनाक्षी म्हणते की आपण सगळे कलाकार आहोत. हिरोईनसाठी गोष्टी इतक्या अवघड नसाव्यात. सोनाक्षी गंमतीने अभिनेत्याला म्हणाली, ‘अरे मी तुझ्यापेक्षा 5-6 वर्षांनी लहान आहे’! सोनाक्षी सिन्हाने नुकतेच मुकेश खन्ना यांच्या संगोपनावर प्रश्न उपस्थित केल्याबद्दल त्यांना सडेतोड उत्तर दिले. यानंतर मुकेश खन्ना यांनी यावर स्पष्टीकरण दिले.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
