बॉलिवूड अभिनेता ईशान खट्टर गेल्या काही दिवसांपासून चांगलाच चर्चेत आला आहे. अलीकडेच ईशान अभिनेत्री अनन्या पांडेची काळजी घेताना आणि तिला तिच्या वाईट दिवसात साथ देताना दिसला. दुसरीकडे त्याची कारकीर्द फार मोठी नाही, पण त्याने आपल्या अभिनयाने सर्वांना प्रभावित केले आहे. या अभिनेत्याने बालकलाकार म्हणून आपल्या फिल्मी करिअरची सुरुवात ‘वाह लाइफ हो तो ऐसी’ या चित्रपटातून केली होती. ईशान मंगळवारी(1 नोव्हेंबर) त्याच्या वाढदिवस साजरा करत आहे.
ईशान खट्टरचा जन्म
ईशानचा जन्म 1 नोव्हेंबर 1995 साली मुंबईत झाला होता. तो बॉलिवूड अभिनेत्री नीलिमा आझमी आणि अभिनेता राजेश खट्टर यांचा मुलगा आणि शाहिद कपूरचा सावत्र भाऊ आहे. ईशान त्याचा सावत्र भाऊ शाहिद कपूरच्या खूप जवळ आहे आणि अनेकदा त्याच्यासोबत वेळ घालवताना दिसतो. ईशानने त्याचे संपूर्ण शिक्षण मुंबईतून पूर्ण केले आहे. त्याने मुंबईतील RIMS इंटरनॅशनल स्कूल आणि ज्युनियर कॉलेजमधून ग्रॅज्युएशन पूर्ण केले आहे. (on birthday of ishaan khatter know his life important facts)
ईशान खट्टरचा पहिला चित्रपट
‘वाह लाइफ हो तो ऐसी’ नंतर २०१६ मध्ये रिलीझ झालेल्या ‘उडता पंजाब’ या चित्रपटात ईशान खट्टर कॅमिओ करताना दिसला होता. २०१७ मध्ये त्याने ‘हाफ विडो’ चित्रपटात सहाय्यक दिग्दर्शकाची भूमिका साकारली होती. यानंतर २०१७ मध्ये तो ‘बियॉन्ड द क्लाउड्स’ चित्रपटात काम करताना दिसला. पण हे सर्व चित्रपट त्याला हवी तशी ओळख देऊ शकले नाहीत. ईशान खट्टरला २०१८ मध्ये आलेल्या ‘धडक’ चित्रपटातून यश मिळाले, ज्यामध्ये तो श्रीदेवीची मुलगी जान्हवी कपूरसोबत दिसला होता. या चित्रपटासाठी ईशानला अनेक पुरस्कारांनीही सन्मानित करण्यात आले होते.
‘ए सूटेबल बॉय’वरून झाला गदारोळ
‘धडक’नंतर ईशान नेटफ्लिक्सवर रिलीझ झालेल्या ‘ए सुटेबल बॉय’ या सीरिजमध्ये दिसला. या चित्रपटातील एका सीनवरून बराच गदारोळ झाला होता. यामध्ये दाखवण्यात आलेले किसिंग सीन हे मंदिरात चित्रित करण्यात आले असून, त्यामुळे लोकांच्या धार्मिक भावना दुखावल्याचा आरोप करण्यात आला होता. या वेब सिरीजमध्ये अभिनेत्री तब्बू आणि अभिनेता ईशान खट्टर मुख्य भूमिकेत होते.
अभिनेत्री तब्बूमुळे आला चर्चेत
ईशान खट्टर ही सीरिज आल्यापासून चर्चेत आला. त्याने त्यात त्याची दुहेरी वयाची सह-अभिनेत्री तब्बूसोबत प्रियकराची भूमिका साकारली होती. या सीरिजमध्ये ईशान आणि तब्बूचा किसिंग सीन देखील होता, ज्यामुळे बराच गदारोळ निर्माण झाला होता.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
भाईजानच्या एक्स गर्लफ्रेंडचा कार अपघात, रुग्णालयात उपचार सुरु
‘स्तनाच्या कर्करोगा’बद्दल अभिनेत्री माहिरा खानचं मोठं वक्तव्य; म्हणाली, ‘पाकिस्तानामधील 9 पैकी एक महिला…’
