हिंदी सिनेसृष्टीमधील खासकरून संगीत विश्वातील सर्वात मोठे नाव म्हणजे ओ.पी. नय्यर. ओ पी नय्यर अर्थात ओंकार प्रसाद नय्यर हे संगीत क्षेत्रासाठी वरदानच होते. त्यांनी चित्रपटांना दिलेले संगीत आजही सुपरहिट आहे. अनेक सदाबहार गाणी देणाऱ्या ओ पी नय्यर यांची आज जयंती. त्यांचा जन्म १६ जानेवारी १९२६ साली पाकिस्तानच्या लाहोरमध्ये झाला होता. त्यांनी १९४६ साली त्यांनी ‘कनीज’ या सिनेमातून त्यांच्या संगीत करियरला सुरुवात केली. त्यानंतर ते यशाची एक एक पायरी चढत गेले. ओ पी नय्यर यांनी अनेक दशकं अक्षरशः संगीत क्षेत्रावर राज्य केले. त्यांचे अनेक किस्से अनेक कहाण्या गाजलेल्या आहेत. त्यातलाच एक लता मंगेशकर यांच्याशी संबंधित असलेला किस्सा खूपच गाजलेला आहे.
ओ पी नय्यर यांनी संगीत दिलेली सर्वच गाणी तुफान हिट झाली. त्याकाळी गायिकांमध्ये लता मंगेशकर या आघाडीवर होत्या. नय्यर साहेबांनी त्यांच्या गाण्यांसाठी त्याकाळातील जवळपास सर्वच गायकांना सोबत घेऊन गाणी तयार केली. मात्र त्यांनी कधीच लता मंगेशकरांसोबत काम केले नाही. यामागे देखील एक कारण आहे. नय्यर साहेबांनी शपथ घेतली होती की, ते कधीच लता मंगेशकर यांच्याकडून गाणे गाऊन घेणार नाही. त्यांनी लता दीदींसोबत कधीच काम केले नाही. मात्र ते अशा भोसले यांच्यासोबत नेहमी काम करायचे.
‘आसमान’ सिनेमाची शूटिंग चालू होती. तेव्हा लता दीदी या त्यांच्या करियरच्या सर्वात मोठ्या उंचीवर होत्या. नय्यर साहेबाना देखील इच्छा होती की, दीदींनी त्यांच्यासाठी गाणे गावे. मात्र नय्यर साहेबांनी तयार केलेले गाणे सिनेमातील अभिनेत्रीवर नाही तर सहअभिनेत्रीवर चित्रित होणार होते. लता दीदींना हीच गोष्ट आवडली नाही आणि त्यांनी स्पष्ट शब्दात नय्यर साहेबाना नकार कळवला.
लता दीदींचा नकार ऐकून नय्यर साहेबांना वाईट वाटले. त्यानंतर त्यांनी शपथ घेतली की ते कधीच लता दीदींसोबत काम करणार नाही. ते त्यांच्या शपथेवर कायम होते. लता दीदींनी एका ट्विटमध्ये याबद्दल सांगितले देखील होते.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
“खोटे गोड बोलण्यापेक्षा कडू सत्य बोला”; केतकीनं चाहत्यांना दिल्या काटेरी शुभेच्छा
हॅपी मंकरसंक्रात! अमृता फडणवीसांनी घेतला पतंग उडवण्याचा आनंद, पाहा भन्नाट व्हिडिओ
