निसर्गामध्ये असे अनेक सुंदर पशुपक्षी आहेत, ज्यांना बघण्यासाठी सर्वजण नेहमीच उत्सुक झालेले असतात. अगदी छोटेशा फुलपाखराची किमया बघायला गेलो तरी, क्षणार्धात ते फुलपाखरू एखाद्याला त्याच्या सुंदर-सुंदर रंगांनी आणि पंखांनी मंत्रमुग्ध करून टाकते.
तसाच एक पक्षी म्हणजे मोर. हा सुंदर पक्षी मोरच आपला राष्ट्रीय पक्षीही आहे. तो सगळ्यांना त्याच्याकडे आकर्षित करतो. मोराचे नाचणे त्याच्या पंखांचा निरनिराळा रंग या सगळ्या गोष्टी पाहून आपोआपच कोणतीही व्यक्ती त्या मोराकडे आकर्षिली जाते. पण हे चांगले असणारे पशुपक्षी जेव्हा आपल्यावर हल्ला करतात, तेव्हा मात्र सगळेजण खूप घाबरून जातात. असाच हल्ला बिग बॉसची माजी स्पर्धक दिगांगना सूर्यवंशीवर झाला आहे.
सध्या तिचा एक व्हिडीओ सोशल मीडियावर भलताच व्हायरल होताना दिसत आहे.
या व्हिडिओमध्ये तुम्ही बघू शकता की,ती खूप बारकाईने त्या मोराचे निरीक्षण करत असते. तिने आकाशी रंगाचा ड्रेस घातलेला असतो. तसेच मी केस देखील मोकळे सोडले आहे. त्या मनमोहक मोराचे ती निरीक्षण करत असते. पण कदाचित मोराला तिने घातलेला आकाशी रंगाचा ड्रेस आवडला नसावा. म्हणून त्या मोराने लगेच आपले पंख पसरून दिगांगनावर हल्ला केला, आणि ती मोठमोठ्याने ओरडू लागली.
तिचा हा व्हिडिओ फोटोग्राफर विरल भयानी याने त्याच्या इंस्टाग्राम अकाउंटवर शेअर केला आहे. व्हिडिओवर सगळ्यांच्या जबरदस्त कमेंट येताना दिसत आहे. दिगांगनावर मोराचा हल्ला झाला पण, ती सुखरूप आहे तिला कोणत्याही प्रकारची दुखापत झालेली नाहीये.
या व्हिडिओवर स्वतः दिगांगना हीने देखील कमेंट केली आहे. तिने लिहिले आहे की, “खरच माझ्या आईला असे वाटत होते की, तो मोर मला मिठी मारायला आला आहे की काय?”
दिगांगना हिच्यावर जेव्हा मोराचा हल्ला झाला त्यावेळी तिची आई देखील तिथे बाजूला उभी होती. त्यावेळी ती पटकन तिच्या मुलीजवळ आली आणि मोराला तिच्यापासून लांब करण्याचा प्रयत्न करत होती. यांचा व्हिडिओ सोशल मीडियावर खूपच वेगाने व्हायरल होत आहे.
