बॉलिवूड अभिनेत्री प्रियंका चोप्राने आपल्या अभिनयाने करोडो चाहत्यांच्या मनावर राज्य केले आहे आणि करत आहे. ती नेहमीच कोणत्या ना कोणत्या कारणाने चर्चेचा विषय ठरत असते. ती तिच्या ड्रेसमुळेही माध्यमांमध्ये चर्चेत असते. यादरम्यान ती बोल्ड ड्रेस परिधान करूनही डगमगताना दिसत नाही. नुकतेच प्रियंकाने कॅनेस चित्रपट महोत्सवाशी (Cannes Film Festival) निगडीत एक किस्सा शेअर केला आहे, ज्यामध्ये ती वाईट घटनेची बळी होता होता वाचली होती.
प्रियंकाने नुकतेच आपल्या अधिकृत इंस्टाग्राम अकाउंटवर कॅनेस चित्रपट महोत्सवाचा फोटो शेअर केला आहे. यासह तिने यादरम्यानचा किस्साही शेअर केला आहे. या फोटोच्या कॅप्शनमध्ये तिने लिहिले की, “मी बाहेरून शांत दिसत आहे. परंतु कदाचित कोणाला माहिती नसेल की, मी आतमधून किती अस्वस्थ होत होते. कारण हा विंटेज ड्रेस घालताना त्याची चैन तुटली होती.”
“मागीलवर्षी कॅनेसमध्ये मला रेड कार्पेटवर उतरण्यासाठी काही मिनिटे बाकी असताना, हे सर्व झाले होते,” असेही प्रियंकाने पुढे लिहिले. यानंतर प्रियंकाने यावर कोणता तोडगा काढण्यात आला होता, हेही सांगितले.
तिने लिहिले की, “यावर तोडगा? माझ्या अप्रतिम टीमने माझा ड्रेस अवघ्या ५ मिनिटांमध्ये शिवला होता.”
प्रियंका चोप्राने आपल्या मेमॉयर ‘अनफिनिश्ड’मध्ये असे अनेक किस्से शेअर केले आहेत. तिने आपल्या मिस वर्ल्डपासून मेट गालापर्यंत सर्व अनुभव आणि किस्से यामध्ये सांगितले आहेत.
तिच्या कामाबद्दल बोलायचं झालं, तर ती येत्या काही दिवसांमध्ये हॉलिवूड चित्रपटांमध्ये आणि सीरिजमध्ये दिसणार आहे. सध्या ती शूटिंगमध्ये व्यस्त आहे.
विशेष म्हणजे प्रियंकाने अमेरिकन गायकाशी लग्न केले असून त्याचे नाव निक जोनास आहे.
हेही वाचा-
प्रियंका चोप्रासोबत झळकलेला ‘हा’ कलाकार अडकणार लग्नाच्या बेडीत