मागील काही दिवसांपासून कोरोना व्हायरसने संपूर्ण जगात थैमान घातले आहे. त्यामुळे सर्वांचेच जनजीवन विस्कळीत झाले आहेत. याच कोरोनाच्या महामारीमुळे सर्वसामान्य लोकांना तर आर्थिक संकटाला सामोरे जावे लागतच आहे. त्याचबरोबर चित्रपटसृष्टीतील अनेक कलाकारही आर्थिक संकटातून जात आहेत. यातीलच एक कलाकार म्हणजे ‘अंकुश’ चित्रपटातील ‘इतनी शक्ती हमें देना दाता’ या प्रसिद्ध गाण्याच्या गायिका पुष्पा पागधरे होय. त्या सध्या अशाच परिस्थितीतून जात आहेत. आजही अनेक शाळांमध्ये पहिली घंटा झाली की, हे गाणे प्रार्थना म्हणून गायले जाते.
याच संदर्भात पुष्पा पागधरे यांनी महाराष्ट्राचे मुख्यमंत्री उद्धव ठाकरे आणि देशाचे पंतप्रधान नरेंद्र मोदी यांना कलाकारांच्या मासिक मानधनात वाढ करण्याची विनंती केली आहे. राज्य सरकारकडून पुष्पा यांना ३,१५० रुपये मानधन म्हणून मिळते आणि ते सुद्धा वेळेवर येत नाही. गेल्या ३५ वर्षात कोणत्याही संगीत कंपनीने पुष्पाला एक रुपयाही रॉयल्टी म्हणून दिला नाही. (Pushpa Pagdhare Singer of Itni Shakti Hume Dena Daata Is Going Through Financial Crisis)
आर्थिक अडचणींमुळे पुष्पा यांना घराचा सामान्य खर्च सुद्धा सध्या परवडत नाही. एएनआयने केलेल्या ट्विटनुसार पुष्पा म्हणाल्या की, “सरकार मला पेन्शन देते पण ते खूपच कमी आहे. ज्या कलाकारांनी देशासाठी सन्मान मिळवला आहे, त्यांची काळजी सरकारने घ्यावी.”
Mumbai: 'Itni Shakti Hame Dena Daata' singer Pushpa Pagdhare urges CM Uddhav Thackeray & PM Narendra Modi to raise monthly honorarium for artists
"Govt gives me pension but it's insufficient. Govt should look after the artists who have earned respect for the country," she says pic.twitter.com/amIQmDt86R
— ANI (@ANI) August 11, 2021
पुष्पा यांना ‘इतनी शक्ती हमें देना दाता’ या गाण्यासाठी रॉयल्टी न मिळाल्याने नाराज आहेत. त्यांच्या या गाण्याचे व्ह्यूज कोटींमध्ये गेले आहेत. माध्यमांतील वृत्तानुसार, जर त्यांना त्या गाण्याची रॉयल्टी मिळाली असती, तर पुष्पांना अशा परिस्थितीला सामोरे जावे लागले नसते.
याच संदर्भात पुष्पा म्हणाल्या की, “माझे काही नातेवाईक आहेत, जे गरज पडल्यास मदत करतात. मला माझ्या गाण्यांसाठी योग्यप्रकारे रॉयल्टी देखील मिळालेली नाही. मी पूर्णपणे इतरांवर अवलंबून आहे. सरकारऐवजी नातेवाईकांनी मला मदत केली आहे.”
पुष्पा पागधरे यांना मागील अनेक दिवसांपासून आर्थिक संकटाला तोंड द्यावे लागले आहे. परंतु आता त्या त्यांच्या जवळच्या नातेवाईकांकडे मदतीची याचना करत आहेत. यूट्यूबवर पुष्पा पागधरे यांनी गायलेल्या गाण्याची व्ह्यूज कोटींमध्ये आहेत. एकदा व्हिडिओ जर यूट्यूबवर पोस्ट केला असेल, तर त्याच्यातील अर्धी रक्कम ही गायकाला दिली जात असते. असे झाले असते, तर पुष्पा यांना कधीही पैशाची कमतरता भासली नसती.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-या वीकेंडलाही ‘सुपर डान्सर’मध्ये शिल्पा शेट्टी गैरहजर; पण जॅकी अन् संगीताची जोडी लावणार ‘चार चाँद’
-युरोप फिरून ५ महिन्यानंतर मायदेशी परतली परिणीती चोप्रा; म्हणाली, ‘आपल्या घरासारखे…’
