राखी सावंत मनोरंजन विश्वात ‘ड्रामा क्वीन’ म्हणून ओळखली जाते. याचे कारणही तसेच आहे. छोट्यात छोटी गोष्ट देखील मोठी करून अतिशयोक्ती अलंकारात सांगण्यात तिचा हातखंडा आहे. राखी नेहमीच वेगवेगळ्या कारणांसाठी, कधी कधी स्वतःहून कारणं काढून मीडियामध्ये राहण्याचा सतत प्रयत्न करतच असते. ती तिच्या वेडेपणामुळे, मजेशीर हरकतींमुळे देखील लोकांचे आणि मीडियाचे लक्ष वेधून घेते आणि मुख्य म्हणजे मीडिया देखील लक्ष देते.
आता पुन्हा राखीचा नवीन व्हिडिओ सोशल मीडियावर व्हायरल झाला आहे. या व्हिडिओमध्ये राखी सांगते की तिच्या घरामध्ये एक अनोळखी माणूस अचानक घुसला होता. येताना त्याने तिच्या घरचा दरवाजा तोडला आणि घरात आला. राखीने पोलीस ठाण्यात त्याची तक्रार दाखल केल्याचे तिने सांगितले. (rakhi sawant claims fan broke the door of the house)
राखीने सांगितले की, “सध्या मी अतिशय घाणेरड्या इमारतीमध्ये राहत आहे. एक अनोळखी व्यक्ती फॅन सांगून माझ्या बिल्डिंगमध्ये घुसला आणि त्याने थेट माझे घर गाठले. माझ्या घराचा दरवाजा देखील त्याने तोडला. त्यामुळे मी त्याची तक्रार ओशिवरा पोलीस ठाण्यात नोंदवली असून, पोलिसांनी लगेच कारवाई करत त्याला अटक केली आहे. तो व्यक्ती वेडा आहे.”
पुढे राखी म्हणाली, “बिल्डिंगच्या खाली अनेक लोकं ये जा करत असतात. जे लोकं फॅन आहेत ते कलाकरांना प्रेम देतात. असे दरवाजे थोडी तोडतात. जेव्हा त्याने दरवाजा तोडला तेव्हा मी घरात नव्हती. एक मुलगी घरात होती, जी घाबरून गेली, तिला लागले देखील आहे. मी चांगल्या परिसरात नाही राहत.” राखीचा हा व्हिडिओ सध्या तुफान गाजत आहे. यावर अनेकांनी प्रतिक्रिया देत आहेत. काहींनी राखीचा हा व्हिडिओ पब्लिसिटी स्टंट असल्याचे सांगितले आहे. काहींनी राखी व्हिडिओमध्ये खोटे बोलत असल्याचे सांगितले आहे, तर काहींनी राखी खरे बोलत असून, तिला काळजी घेण्याचा सल्ला देखील दिला आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
–अपरा मेहतांनी आपल्या अभिनयाने जिंकली चाहत्यांची मने; तर एकाच व्यक्तीशी थाटला होता दोनदा संसार
–झी मराठीवरील ‘या’ मालिकेत तिहेरी भूमिकेत झळकणार संकर्षण कऱ्हाडे, चाहत्यांमध्ये उत्साहाचे वातावरण
