बॉलिवूडमधील सर्वात रोमॅंटिक कपल कोणते असा प्रश्न जर कोणाला विचारला तर सर्वांच्या तोंडून एकच नाव येईल आणि ते म्हणजे रणबीर कपूर (Ranbir Kapoor) आणि आलिया भट्ट (Alia Bhatt). इंडस्ट्रीमधील लव्हबर्डस म्हणून हे दोघं ओळखले जातात. सुरुवातीच्या काळात सर्वांपासून त्यांनी त्यांचे खास नाते लपवून ठेवले, मात्र नंतर मीडियामध्ये हे दोघं नात्यात असल्याचे कन्फर्मच समजले जाते. त्यांच्या सोशल मीडिया पोस्टमुळे तर त्यावर मोहोरच लागताना दिसते. रणबीर आणि आलिया यांचे एकत्र असलेले अनेक फोटो इंटरनेटवर व्हायरल होत असतात. त्यांचे फॅन्स देखील त्यांचे नवनवीन फोटो आणि झलक बघण्यासाठी नेहमीच उत्सुक असतात.
सध्या सोशल मीडियावर आलिया आणि रणबीरचा एक फोटो तुफान व्हायरल होत असून, फॅन्सला हा फोटो आवडत तर आहेच सोबतच या फोटोवर अनेक चर्चा देखील होताना दिसत आहे. सध्या व्हायरल होणार फोटो रणबीर आणि आलिया यांच्या शेफने शेअर केला आहे. या सेल्फी फोटोमध्ये रणबीर, आलिया आणि त्यांचा खासगी शेफ शास्त्री दिसत आहे. या फोटोमध्ये रणबीरने आलियाला मिठी मारलेली दिसत आहे. हा फोटो शेअर करत शेफ शास्त्रीने त्याचा या दोघांसोबतचा प्रवास सांगितला आहे.
शास्त्रीने लिहिले की, “दोन वर्षांपूर्वी शेफ हर्षकडे मी तुमच्यासाठी सहायक म्हणून काम करण्यास सुरुवात केली. आता मला रणबीर आणि आलियासाठी खासगी शेफ म्हणून काम करत सहा महिने झाले आहेत. जेव्हापासून मी जेवण बनवणे (कुकिंग) चालू केले तेव्हापासून मी रोजच नवीन काही शिकतो. तुम्हा दोघांना चविष्ट जेवण खाऊ घालण्यासाठी मी खूपच उत्सुक आहे.”
रणबीर आणि आलियाच्या वर्कफ्रंटबद्दल बोलायचे झाल्यास, हे दोघं लवकरच अयान मुखर्जीच्या ‘ब्रह्मास्त्र’ सिनेमात सोबत दिसणार आहे. या चित्रपटात रणबीर आणि आलियासोबतच अमिताभ बच्चन (Amitabh Bachchan), नागार्जुन अक्किनेनी (Nagarjuna Akkineni), मौनी रॉय (Mouni Roy) महत्वाच्या भूमिकेत झळकणार आहे. हा सिनेमा ९ सप्टेंबर २०२२ ला प्रदर्शित होणार आहे.
हेही वाचा :
- ‘तुमचा वेळ वाया घालवू नका’, असे म्हणत विक्रम गोखले यांनी टेलिव्हिजनवरील मालिकांवर साधला निशाणा
- ‘आणखी एक मुलगी लढ्यासाठी सज्ज!’, प्रियांका गांधीसोबत फोटो शेअर करत राणी चॅटर्जीने केली मोठी घोषणा
- ऋतिक रोशनसोबत दिसणारी ‘मिस्ट्री गर्ल’ सबा आझाद कोण तरी आहे? समोर आली ‘ही’ माहिती
