बॉलिवूडचा प्रसिद्ध अभिनेता रणबीर कपूर (Ranbir Kapoor) ४ वर्षांच्या दीर्घ कालावधीनंतर मोठ्या पडद्यावर परतण्यासाठी सज्ज झाला आहे. आगामी काळात रणबीर कपूरचे एकापेक्षा एक चित्रपट थिएटरमध्ये प्रदर्शित होणार आहेत. ज्याची सुरुवात त्याच्या मोस्ट अवेटेड फिल्म ‘शमशेरा’ने होणार आहे. ‘शमशेरा’ चित्रपटासाठी रणबीर कपूरने खूप मेहनत घेतली आहे आणि त्याचा परिणाम त्याच्या शरीरातून स्पष्टपणे दिसून येतो.
‘शमशेरा’साठी रणबीरचे बॉडी ट्रान्सफॉर्मेशन
यशराज फिल्म्सने आपल्या अधिकृत इंस्टाग्राम हँडलवर रणबीरच्या ‘शमशेरा’च्या ट्रान्सफॉर्मेशन प्रवासाचा व्हिडिओ शेअर केला आहे. या व्हिडिओमध्ये रणबीर कपूर आणि शमशेराचा दिग्दर्शक करण मल्होत्रा दिसत आहे. ज्यामध्ये रणबीर कपूर सांगत आहे की, ‘शमशेरा’च्या व्यक्तिरेखेसाठी त्याला दुबळे शरीर बनवण्यास सांगितले होते. त्यासाठी त्याने जिममध्ये तासनतास वर्कआउट केले. यासोबतच पूर्ण प्रथिनयुक्त आहारातून फिटनेसवर पूर्ण लक्ष केंद्रित करण्यात आले. एवढेच नाही, तर हा प्रवास त्याच्यासाठी सोपा नव्हता. पण रणबीरच्या मेहनतीचे फळ या व्हिडिओमध्ये त्याच्या शरीरातून स्पष्टपणे दिसत आहे. याशिवाय रणबीर कपूरचे काही फोटो सोशल मीडियावर मोठ्या प्रमाणात व्हायरल होत आहेत. या फोटोंमध्ये रणबीर ‘शमशेरा’ लूकमध्ये त्याचा मजबूत फिटनेस दाखवताना दिसत आहे. (ranbir kapoor body transformation for shamshera)
खालील लिंकवर क्लिक करून पाहा व्हिडिओ:
https://www.instagram.com/p/Cf3YZ8dqIue/?utm_source=ig_embed&ig_rid=66db9c8c-ca3b-4d88-af61-bc4db599b296
‘या’ दिवशी रिलीझ होणार ‘शमशेरा’
‘शमशेरा’ हा रणबीर कपूरच्या करिअरसाठी खूप आव्हानात्मक चित्रपट आहे. रणबीर पहिल्यांदाच एका वेगळ्या व्यक्तिरेखेत आणि इंटेन्स लूकमध्ये दिसणार आहे. एवढेच नाही,तर या चित्रपटात रणबीर कपूर दुहेरी भूमिकेत दिसणार आहे. रणबीर कपूरचा शमशेरा या महिन्यात २२ जुलै रोजी थिएटरमध्ये दाखल होणार असल्याची माहिती आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
हेही वाचा
