बॉलिवूड अभिनेता रणबीर कपूर (Ranbir Kapoor) सध्या त्याच्या ‘शमशेरा’ चित्रपटामुळे चर्चेत आहे. ‘शमशेरा’मधून रणबीर चार वर्षांनी मोठ्या पडद्यावर परतला आहे. या चित्रपटाच्या ट्रेलरला प्रेक्षकांचा चांगला प्रतिसाद मिळाला होता. अशा परिस्थितीत, हा चित्रपट बॉक्स ऑफिसवरही चांगली कमाई करेल अशी अपेक्षा होती. मात्र चित्रपटाची कामगिरी चांगली झाली नाही. दरम्यान, ट्रोल्सनी आता रणबीर कपूरवर निशाणा साधला आहे. अभिनेत्याचा एक व्हिडिओ सोशल मीडियावर व्हायरल होत आहे, ज्यावर ट्रोल कमेंट करत आहेत.
सोशल मीडियावर व्हायरल होत असलेल्या एका व्हिडिओमध्ये रणबीर कपूर मुंबई विमानतळाच्या आत जाताना दिसत आहे. रणबीर पांढऱ्या टी-शर्ट आणि निळ्या जीन्समध्ये दिसत आहे. काहींना अभिनेत्याचा लूक आवडला आहे, तर काहीजण त्याच्यावर टीका करत आहेत. एका यूजरने ‘आलियाचा टी-शर्ट घातला आहे’ अशी कमेंट केली, तर दुसऱ्याने ‘त्याची जीन्स पहा’ असे लिहिले. (ranbir kapoor trolled after shamshera disappointing performance)
रणबीरच्या कपड्यांव्यतिरिक्त, त्याच्या ‘शमशेरा’ चित्रपटाच्या अयशस्वी कामगिरीसाठी ट्रोल त्याला फ्लॉप अभिनेता म्हणत आहेत. एका युजरने लिहिले, ‘शमशेरा फ्लॉप’, तर दुसऱ्याने लिहिले, ‘क्या हुआ इसको फ्लॉप देकर.’ तर दुसऱ्याने लिहिले, ‘दुसरी फ्लॉप फिल्म बनवण्याच्या मार्गावर’. एकाने तर रणबीरवर लग्नानंतर आपत्ती आल्याचे म्हटले.
रणबीर कपूरचा चित्रपट ‘शमशेरा’ २२ जुलै रोजी थिएटरमध्ये रिलीज झाला आहे. या चित्रपटात त्याच्यासोबत संजय दत्त (Sanjay Dutt) आणि वाणी कपूर (Vaani Kapoor) मुख्य भूमिकेत आहेत. या चित्रपटाने आतापर्यंत केवळ २१ कोटींची कमाई केली आहे. दुसरीकडे, रणबीरच्या वर्कफ्रंटबद्दल बोलायचे तर, सप्टेंबरमध्ये त्याचा ‘ब्रह्मास्त्र’ चित्रपट येणार आहे, ज्यामध्ये तो आलिया भट्टसोबत (Alia Bhatt) दिसणार आहे.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा
