कपूर घराण्यावर पुनः एकदा संकट आले आहे. रणधीर कपूर यांना कोरोनाची लागण झाली आहे. कोव्हिड पॉझिटिव्ह आल्यानंतर त्यांना मुंबईतील कोकिलाबेन अंबानी रुग्णालयात दाखल करण्यात आले आहे. रणधीर यांच्याबरोबर त्यांचे पाच कर्मचारीही कोरोनाच्या विखळ्यात अडकले आहेत. त्यांनाही उपचारासाठी रुग्णालयात दाखल करण्यात आले आहे. दरम्यान, कपूर कुटुंबाशी संबंधित एक मोठी बातमी पुढे येत आहे. लहान भाऊ ऋषी कपूर आणि राजीव कपूर यांच्या निधनानंतर रणधीर कपूर यांनी आता एक मोठा निर्णय घेतला आहे. ते आता चेंबूरमधील वडिलोपार्जित घर विकणार आहेत, जेथे ते लहानाचे मोठे झाले होते. रणधीर कपूर यांचा हा निर्णय अंतिम मानला जात आहे.
धाकटे भाऊ राजीव कपूर यांच्या निधनानंतर, रणधीर कपूर यांना खूप एकटेपणा जाणवत आहे, म्हणून आता त्यांना कुटुंबाजवळ राहण्याची इच्छा आहे. बातमीनुसार, रणधीर यांनी सांगितले की, ‘राजीव बहुतेकदा माझ्याबरोबर राहत असे. त्यांचे पुण्यात एक घर होते, परंतु ते येथे बरेच दिवस मुंबईतच राहत होते. राजीव यांच्या निधनानंतर मला एकटेपणा वाटू लागला होता, म्हणूनच मला वाटले की, आता मी माझ्या कुटुंबाच्या जवळ असायला हवे.’
आपल्या वडिलोपार्जित घराविषयी रणधीर म्हणाले की, ‘माझ्या आई-वडिलांनी मला सांगितले होते की, मी या घरात जितके दिवस शक्य असेल, तितके दिवस तेथे राहू शकतो. परंतु ज्या दिवशी मी हे घर विकेल, त्या दिवशी मला मिळणारा पैसा हा मी ऋषी, राजीव, ऋतु आणि रीमा यांना वाटला पाहिजे.’
अशी बातमी आहे की, रणधीर यांनी वांद्रेमध्ये यापूर्वीच घर विकत घेतले आहे, आणि ते घर राहण्यासाठी पूर्णपणे तयार आहे. रणधीर लवकरच नव्या घरात शिफ्ट होतील.
यापूर्वी ही बातमी आली होती की, भाऊ राजीव यांच्या मृत्यूनंतर आता मोठा भाऊ रणधीर आणि बहीण रीमा यांना त्यांच्या मालमत्तेवर त्यांचे हक्क हवे आहेत. या प्रकरणी दोघांनीही मुंबई उच्च न्यायालयात धाव घेतली आहे. नुकतीच या प्रकरणात न्यायालयाने पुढची तारीख दिली असून, निकाल काय लागेल याकडे सर्वांचेच लक्ष आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-‘मलाही राग आला होता…’, म्हणत हिमांश कोहलीने पहिल्यांदाच केला नेहा कक्करसोबतच्या ब्रेकअपवर खुलासा
-रेमो डिसूजाने पत्नी लिजेलसोबत केला मजेशीर व्हिडिओ शूट, पाहून तुम्हीही खदखदून हसाल
