सर्व राजकीय पक्षांनी उत्तर प्रदेशमधील विधानसभा निवडणुकीसाठी (उत्तर प्रदेश विधानसभा निवडणूक २०२२) तयारी केली आहे. पुन्हा एकदा राजकीय पक्ष प्रसिद्ध चेहऱ्यांवर पारी खेळण्याच्या तयारीत आहेत. दरम्यान, भोजपुरी सिनेमाची राणी चॅटर्जी (Rani Chatarjee) हिने काँग्रेसमध्ये प्रवेश केला आहे. प्रियांका गांधी यांच्या उपस्थितीत राणीने काँग्रेसमध्ये प्रवेश केला. भोजपुरी सिनेसृष्टीत आपल्या अभिनयाची जादू दाखवल्यानंतर, आता राणी राजकीय विश्वात पाऊल ठेवणार आहे. राणी प्रियांका गांधींच्या ‘लडकी हूं लड सकती हूं’ या मोहिमेचा एक भाग बनली आहे. तिने प्रियंकासोबतचा एक फोटो शेअर करत काँग्रेसमध्ये प्रवेश करण्याबाबत माहिती दिली आहे.
राणी चॅटर्जीने तिच्या इंस्टाग्रामवर एक फोटो शेअर केला आहे. या फोटोमध्ये ती प्रियांका गांधी आणि मुंबई काँग्रेसचे युवा नेते सूरज सिंग ठाकूर यांच्यासोबत दिसत आहे. हा फोटो शेअर करत राणीने कॅप्शनमध्ये लिहिले, “दुसरी मुलगी लढण्यासाठी तयार आहे. प्रियंका जीच्या ‘लडकी हूं लड सकती हूं’ या मोहिमेशी जोडून मी एक नवीन अध्याय सुरू करत आहे. आज दिल्लीत प्रियंका गांधी यांची भेट घेतली, माझे मित्र सुरज सिंग ठाकूर, मुंबई काँग्रेसचे युवा नेते.” (rani chatterjee shared photo with priyanka gandhi vadra as announced bhojpuri queen joined congress)
राणी चॅटर्जी आगामी निवडणूक लढवणार की नाही, हे सध्या तरी स्पष्ट झालेले नाही. मात्र, काँग्रेस राणी चॅटर्जीला प्रचाराचा चेहरा बनवून मते मिळवण्याच्या तयारीत असल्याचे स्पष्ट झाले आहे. यूपीमध्ये सत्तेत असलेल्या भारतीय जनता पक्षाला ही सत्ता कोणत्याही किंमतीत जाऊ द्यायची नाही. भाजपकडे प्रचारासाठी रवी किशन आणि भोजपुरी चित्रपटसृष्टीतील दिनेश लाल यादव उर्फ निरहुआ सारखे कलाकार आधीच आहेत. अशा परिस्थितीत आता काँग्रेसही भोजपुरी कलाकारांना आपल्या गटात आणून मते मिळवण्याचा प्रयत्न करत आहे.
आता राणी चॅटर्जीच्या नावाचा काँग्रेसला कितपत फायदा होतो, हे आगामी निवडणुकांच्या निकालांवरून स्पष्ट होईल. सध्या राणी चॅटर्जीबद्दल बोलायचे झाले तर, मुंबईस्थित अभिनेत्रीने २००४ मध्ये ‘ससुरा बडा पैसावाला’ या चित्रपटाद्वारे तिच्या फिल्मी करिअरची सुरुवात केली. या चित्रपटात तिला सुपरस्टार मनोज तिवारीसोबत काम करण्याची संधी मिळाली. हा चित्रपट हिट ठरला. या चित्रपटानंतर राणीने इंडस्ट्रीतील नामवंत कलाकारांसोबत काम केले आणि एकाहून एक हिट चित्रपट दिले.
हेही वाचा :
‘बिग बॉस १५’ ला मिळाली विजेती स्पर्धक, ट्रॉफीवर कोरले तेजस्वी प्रकाशचे नाव
शाहिद आणि मीराची जोडी पुन्हा एकदा आली चर्चेत, सोशल मीडियावर व्हायरल होतोय नवा फोटो
‘हे’ आहेत आलिया भट्टच्या करिअरला कलाटणी देणारे सुपरहिट चित्रपट, वाचा संपूर्ण यादी
