दिग्दर्शक रोहित शेट्टी आणि अभिनेता रणवीर सिंग या दोघांना पुन्हा धमक्या मिळाल्या आहेत. रोहित शेट्टी यांच्या घरावर झालेल्या गोळीबारानंतर रणवीर सिंगला 10 फेब्रुवारी रोजी पहिली धमकी मिळाली होती. लॉरेन्स बिश्नोई टोळीने संपूर्ण जबाबदारी घेतली असून, आता, दोघांनाही पुन्हा धमक्या मिळाल्या आहेत. असे वृत्त आहे की लॉरेन्स बिश्नोई टोळीतील गँगस्टर हॅरी बॉक्सरने ही धमकी दिली आहे.
माहितीनुसार, दोघांनाही पोलिस तक्रार न दाखल करण्यासाठी धमक्या मिळाल्या आहेत. धमकीत म्हटले आहे की, ‘रणवीर सिंग तुला सल्ला दिला होता कि तक्रार दाखल नको करू, आता तुला आणि रोहित शेट्टीला(Rohit Shetty) बघुन घेवू, तुझ्या सात पिढ्या आम्हाला इजा करू शकणार नाहीत. आम्हाला तुझ्या दोघांचे सर्व मैनेजर माहित आहेत: ते कुठे राहतात, कधी येतात आणि जातात, त्यांचे कुटुंब कुठे राहताय. आम्ही प्रत्येक मैनेजरला एक-एक करून संपवू, नाहीतर तू तुझे मार्ग आजुनहि सुधार.. तसेच, भारतीय पासपोर्ट जप्त झाल्यानंतर पोर्तुगालमध्ये झालेल्या गोळीबाराची जबाबदारी लॉरेन्स बिश्नोई टोळीतील गँगस्टर हॅरी बॉक्सरने घेतली आहे.
बिश्नोई टोळी आणि हॅरी बॉक्सर यांनी दिलेल्या कथित ऑडिओ मेसेज धमकीबाबत मुंबई पोलिस आपल्या विधानावर ठाम आहेत. मुंबई पोलिसांच्या गुन्हे शाखेतील एका वरिष्ठ अधिकाऱ्याने सांगितले की, या ऑडिओ मेसेजचा प्राथमिक स्रोत मीडिया आहे. हा ऑडिओ मेसेज त्यांच्यापर्यंत माध्यमांद्वारे पोहोचला आहे, त्यामुळे मीडियाद्वारे प्रसारित होणारा ऑडिओ मेसेज खरोखरच टोळीशी संबंधित असलेल्या व्यक्तीचा आहे की नाही हे तपासानंतरच कळेल.
मुंबई पोलिसांनी या टोळ्यांबाबत आधीच स्पष्ट केले आहे की कॉपीकॅट गुन्हेगार आणि खरे धमक्या यात फरक करणे अत्यंत कठीण आहे. पोलिसांच्या मते, असे अनेक बनावट ऑडिओ मेसेज एआय वापरून सहजपणे तयार केले जातात. सोशल मीडिया आणि मीडिया त्यांना एक व्यासपीठ प्रदान करत असताना, व्हायरल ऑडिओ मेसेज पोलिसांच्या नजरेत आहे आणि त्याची चौकशी केली जाईल.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
अभिनेता विनोद मेहरा यांची आज जयंती तर जाणून घेऊयात कोण होते हे ज्यानी चाहत्यांच्या मनात केले घर
