आज 26 जानेवारी, म्हणजेच प्रजासत्ताक दिन, संपूर्ण देश देशभक्तीच्या रंगात रंगलेला आहे. भारतीय संविधान लागू होऊन 77 वर्षे पूर्ण झाल्याच्या आनंदात सामान्य नागरिकांपासून ते बॉलीवूड व साऊथ सिनेसृष्टीतील कलाकारांपर्यंत सर्वजण सोशल मीडियावर प्रजासत्ताक दिनाच्या शुभेच्छा देत आहेत. आज सकाळपासूनच अनेक सेलिब्रिटींनी आपापल्या खास अंदाजात चाहत्यांना शुभेच्छा दिल्या आहेत.
शाहरुख खानचा देशभक्तीपूर्ण संदेश
चित्रपट ‘किंग’चा पहिला प्रोमो रिलीज केल्यानंतर अवघ्या दोन दिवसांतच शाहरुख खानने (Shah Rukh Khan)77व्या प्रजासत्ताक दिनानिमित्त चाहत्यांना शुभेच्छा दिल्या. सोशल मीडियावर 49.2 मिलियन फॉलोअर्ससाठी स्टोरी शेअर करत त्याने लिहिले,
“भारतीय असल्याचा अभिमान आहे. आपला देश आपल्याला विविधतेतून शक्ती आणि एकतेचा धडा शिकवतो. सर्वांना प्रजासत्ताक दिनाच्या हार्दिक शुभेच्छा. जय हिंद.”
अक्षय कुमार आणि कमल हासनची शुभेच्छा
अक्षय कुमारने X वर लिहिले,- “जन्मापासूनच आपण भारतीय आहोत. प्रजासत्ताक दिनाच्या हार्दिक शुभेच्छा. जय हिंद! जय भारत!” तर कमल हासन यांनी संविधानाचे महत्त्व अधोरेखित करत लिहिले की,
“संविधानामुळेच भारताने स्वशासनाचा मार्ग स्वीकारला. विविधता, संघराज्यवाद आणि लोकशाही मूल्यांचा सन्मान हीच आपल्या गणराज्याची ताकद आहे.”
आलिया भट्ट, करीना कपूर आणि प्रियंका चोप्राची पोस्ट
आलिया भट्टने आपल्या इंस्टाग्राम स्टोरीवर राष्ट्रीय ध्वजाची हाताने काढलेली चित्रफीत शेअर केली. या चित्रावर मुलगी राहाचा उल्लेख असल्याने चाहत्यांनी हा तिरंगा राहाने काढल्याचा अंदाज व्यक्त केला आहे.
करीना कपूरने तिरंग्यासोबत “Happy Republic Day” असे लिहिले, तर प्रियंका चोप्राने एक जुनी आठवणीची फोटो शेअर करत, “77 वर्षांपूर्वीचा हा ऐतिहासिक दिवस” असे कॅप्शन दिले.
सनी देओलसह अनेक स्टार्सच्या शुभेच्छा
सनी देओलने आपल्या नव्या चित्रपट ‘बॉर्डर 2’चा व्हिडीओ शेअर करत लिहिले,
“आपली आन, मान आणि शान यापेक्षा हिंदुस्तान मोठा मानणारे हे मातीचे बेटे. भारताला सलाम. सर्वांना प्रजासत्ताक दिनाच्या हार्दिक शुभेच्छा.” याशिवाय कार्तिक आर्यन, सुनील शेट्टी, अनुपम खेर, ज्युनियर एनटीआर आणि ऋतिक रोशन यांनीही सोशल मीडियावर चाहत्यांना प्रजासत्ताक दिनाच्या शुभेच्छा दिल्या आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
