सध्या चित्रपट जगतातील कलाकार मोठ्या प्रमाणावर अवैध्य मार्गाचा अवलंब करत पार्ट्या करताना दिसत आहेत. या पार्ट्यांमध्ये मोठ्या प्रमाणावर अं’मली पदार्थांचे सेवन आणि वितरण होत असल्याचा आरोप वारंवार केला जातो. अभिनेता शाहरुख खानच्या जहाजावरील पार्टीने देशभरात सर्वत्र चर्चा रंगली होती. यामध्ये शाहरुखच्या मुलाला जेलची हवा खायला लागली होती. हे प्रकरण ताजे असतानाच आता आणखी एका रेव्ह पार्टीची धक्कादायक बातमी समोर आली आहे ज्यामध्ये एका दिग्गज दाक्षिणात्य अभिनेत्रीचा समावेश आहे. काय आहे हे प्रकरण चला जाणून घेऊ.
याबाबत संपुर्ण माहिती अशी की, निहारिका कोनिडेला(niharika konidela) ही साऊथ फिल्म इंडस्ट्रीतील एक प्रसिद्ध अभिनेत्री असून ती तेलुगु चित्रपटांमध्ये काम करते. बिग बॉस सीझन 3 ची विजेती ठरलेल्या या अभिनेत्रीला नुकतेच पोलिसांनी ताब्यात घेतले होते मात्र सध्या तिची निर्दोष मुक्तता करण्यात आली आहे. पोलिसांनी दिलेल्या माहितीनुसार, कोनिडेला रविवारी पहाटे 3 ते दुपारी 12 वाजेपर्यंत ताब्यात घेण्यात आल्याची माहिती समोर आली आहे. टास्क फोर्सने शनिवारी (2 एप्रिल) रात्री उशिरा एका पंचतारांकित हॉटेलच्या पबवर छापा टाकला, जिथे सुमारे 150 लोक पार्टी करत होते. यातील अनेकांवर रात्री उशिरा पार्टी करून ड्रग्ज वाटल्याचा आरोप असून त्यात तेलुगू अभिनेत्रींचाही समावेश आहे.
अभिनेत्री निहारिकाशिवाय गायक राहुल सिपलीगुंजचाही (Rahul Sipligunj) या पार्टीत समावेश होता. अटक करण्यात आलेल्यांमध्ये अभिनेत्री आणि गायिका यांचा समावेश असल्याची माहिती देण्यास पोलिसांनी सुरुवातीला नकार दिला होता. मात्र, अभिनेत्री पोलीस ठाण्यातून घरी परतत असल्याचे दृश्य समोर आले आहे. मात्र त्यांनी पोलीस ठाण्याबाहेर उपस्थित माध्यमांशी बोलण्यास नकार दिला. यावेळी तिने माध्यमांना उत्तर देणे टाळत मोबाईलमध्ये लक्ष दिले होते. निहारिकानेही घटनेशी संबंधित प्रश्नांची उत्तरे देण्यास नकार दिला आणि संपूर्ण मार्गात शांत बसली. यामध्ये पोलिसांनी सांगितले की, ‘पबमध्ये प्रतिबंधित पदार्थ सापडल्यामुळे ताब्यात घेण्यात आलेल्यांमध्ये एक गायक आणि अभिनेत्रीचाही समावेश आहे. आम्ही या प्रकरणाची चौकशी करत आहोत.
दरम्यान यावेळी तिच्यासोबत दोन मित्रही होते आणि त्यांनाही काही वेळाने सोडून देण्यात आल्याचे सूत्रांकडून समजले. रिपोर्ट्सनुसार अभिनेत्रीला डीआय रूममध्ये ताब्यात घेण्यात आले होते पण काही तासांच्या चौकशीनंतर तिला क्लीन चिट मिळाली. तिच्या मित्रांजवळ ड्रग्ज सापडले होते पण त्यांनाही क्लीन चिट देण्यात आली होती. या प्रकरणाबाबत, बंजारा हिल्स पोलीस आणि टास्क फोर्स हे ड्रग्स कोण घेत होते याची चौकशी करणे अद्याप बाकी आहे. राज्य गायक राहुल सिपलीगंज यालाही पोलिस सूत्रांनी ताब्यात घेतले होते, मात्र सकाळी आठ वाजता त्यांची सुटका करण्यात आली. आता या प्रकरणात अनेक व्हीआयपींची नावे समोर आली आहेत. पुढील तपासासाठी रक्तातील औषधांचे प्रमाण तपासण्यासाठी ताब्यात घेण्यात आलेल्या ४५ जणांच्या रक्ताचे नमुने घेण्यात आल्याचीही माहिती समोर आली आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा