साई पल्लवी (Sai Pallavi) ही दाक्षिणात्य सिने जगतातील एक आघाडीची अभिनेत्री म्हणून ओळखली जाते. आपल्या दमदार अभिनयाने आणि सोज्वळ सौंदर्याने तिने सिने जगतात स्वतःची एक वेगळी ओळख निर्माण केली आहे. साई पल्लवीच्या लूकवर आणि सौंदर्यावर देशभरातील तरुणाई फिदा आहे. तिचा सोशल मीडियावर व्हायरल होणारा प्रत्येक फोटो आणि व्हिडिओ चाहत्यांच्या काळजाचा ठोका चुकवत असतो. आता साई पल्लवीच्या चाहत्यांसाठी एक आनंदाची बातमी समोर आली असून लवकरच ती विवाह बंधनात अडकणार आहे. काय आहे साई पल्लवीच्या लग्नाची ही नेमकी बातमी चला जाणून घेऊ.
दाक्षिणात्य सिने जगताची सौंदर्यवती साई पल्लवी जगभरातील तरुणांची क्रश म्हणूनच ओळखली जाते. सुंदर सोज्वळ लाभलेली ही प्रतिभावान अभिनेत्री आपल्या अभिनयासाठी देशभरात प्रसिद्ध आहे. आता साई पल्लवीच्या लग्नाचीही बातमी समोर आली आहे. मिळालेल्या माहितीनुसार, साई पल्लवी लवकरच विवाह बंधनात अडकणार आहे. साई पल्लवीच्या पालकांनी तिच्यासाठी उत्तम वर शोधण्यास सुरूवात केली असून, लवकरच तिच्या लग्नाचा बार उडालेला पाहायला मिळणार आहे. या बातमीने सध्या साई पल्लवीच्या चाहत्यांमध्ये आनंदाचे वातावरण पसरले आहे.
दरम्यान साई पल्लवीचा जन्म ९ मे १९८२ ला आहे. चित्रपट जगतात येण्याआधी साईने वैद्यकिय शिक्षण पूर्ण केले. त्यानंतर तिने सिने जगतात पदार्पण केले. साईचे ‘लवस्टोरी’, ‘फिदा’, ‘प्रेमम’ असे अनेक चित्रपट सुपरहिट ठरले. ज्यामुळे तिला सिने जगतात नवी ओळख मिळाली. आव्हानात्मक भूमिका साकारताना तिच्या सहजसुंदर अभिनयाने सर्वांचीच मने जिंकली. यामुळेच तिच्या अभिनयाचे असंख्य चाहते पाहायला मिळतात.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
