बॉलिवूड अभिनेता अक्षय कुमार (Akshay Kumar) लवकरच त्याचा बहुप्रतिक्षित चित्रपट ‘सम्राट पृथ्वीराज’मध्ये दिसणार आहे. देशाच्या महान शासकावर बनलेल्या या चित्रपटात अभिनेता सम्राट पृथ्वीराजच्या भूमिकेत दिसणार आहे. प्रेक्षक या चित्रपटाबद्दल खूप उत्सुक आहेत. बऱ्याच दिवसांपासून हा चित्रपट प्रदर्शित होण्याच्या तयारीत आहे. अशा परिस्थितीत, चाहत्यांची उत्सुकता पाहून निर्मात्यांनी चित्रपटाचा आणखी एक नवीन ट्रेलर रिलीझ केला आहे. नुकत्याच समोर आलेल्या चित्रपटाच्या या नवीन ट्रेलरमध्ये अक्षय कुमार पुन्हा एकदा शाही शैलीत दमदार परफॉर्मन्स करताना दिसला.
समोर आलेल्या चित्रपटाच्या नवीन ट्रेलरमध्ये सम्राट पृथ्वीराजच्या भूमिकेत दिसणारा अक्षय कुमार महिलांच्या सन्मान आणि समानतेबद्दल बोलताना दिसत आहे. त्याचबरोबर, या चित्रपटात अभिनेता राजाची कर्तव्ये आणि राजाची व्याख्या देतानाही दिसला. अभिनेत्याचा हा अवतार त्याच्या चाहत्यांना खूप आवडला आहे. याशिवाय ट्रेलरमध्ये अक्षय हिंदुत्वाची व्याख्या करताना दिसला. (samrat prithviraj the new trailer of the film released)
चित्रपटाच्या नवीन ट्रेलरबद्दल अक्षय कुमार म्हणतो, “सम्राट पृथ्वीराजचा दुसरा ट्रेलर ‘आखिरी हिंदू सम्राट’ रिलीझ झाला आहे आणि आशा आहे की, या शुक्रवारी चित्रपट पाहण्यासाठी प्रेक्षकांची उत्सुकता वाढेल. या नवीन ट्रेलरमध्ये काही खास गोष्टी आहेत. चित्रपटातील नवीन सीन आणि नवीन क्षण दाखवण्यात आले आहेत, जे मला खूप आवडतात.”
