श्रुती हासन (Shruti Haasan) सोशल मीडियावर खूप सक्रिय असते. ती चाहत्यांशी संवाद साधण्याची एकही संधी सोडत नाही. अलीकडेच अभिनेत्रीने सोशल मीडिया प्लॅटफॉर्मवर तिच्या चाहत्यांसाठी ‘आस्क मी एनिथिंग’ सेशन ठेवले होते. या माध्यमातून तिने तिच्या वैयक्तिक आयुष्याशी संबंधित प्रश्नांसह चाहत्यांच्या अनेक प्रश्नांची उत्तरे दिली.
श्रुतीने तिच्या इंस्टाग्राम हँडलवर चाहत्यांसोबत आयोजित केलेल्या प्रश्न सत्रात तिच्या ब्रेकअपबद्दल खुलासा केला. एका चाहत्याने तिला विचारले, “श्रुती, तुझे किती ब्रेकअप झाले आहेत?” श्रुतीने त्यालाच प्रश्न विचारून अतिशय मजेशीर पद्धतीने उत्तर दिले. ती म्हणाली, “तुला किती गर्लफ्रेंड आहेत? मला वाटतं एक सुद्धा नाही किंवा कदाचित अर्धी.” (shruti haasan fan asked shruti haasan about her breakups the actress gave this funny answer)
गेल्या महिन्यात श्रुतीने मंदिरा बेदीच्या टॉक शो ‘द लव्ह लाफ लाइव्ह शो’मध्ये तिच्या लव्ह लाईफबद्दल सांगितले. सध्या ती शंतनू हजारिकाला डेट करत आहे. मंदिराने तिला विचारले की, “तुला शंतनूसोबतचे नाते लपवायचे आहे का?” तेव्हा श्रुती म्हणाली, “मी पूर्वी खूप काही लपवले होते. लोकांमुळे मी खूप दिवस असे वागले, की मी पूर्णपणे सिंगल आहे. कारण मी अवेलेबल असावे, अशी लोकांची इच्छा होती.”
श्रुती पुढे म्हणाली, “मग एक दिवस मी विचार केला की, मी का आणि कोणासाठी लपवावे. मला स्वतःबद्दल आणि माझ्या जोडीदाराबद्दल खूप खराब आणि अनादर वाटू लागला. आमचे नाते चालेल की नाही, हे आम्हाला माहीत नव्हते, पण एकमेकांचा आदर केला पाहिजे.”
याआधी श्रुती मायकल कॉर्सीसोबत रिलेशनशिपमध्ये होती, पण 2019 मध्ये ते वेगळे झाले. ब्रेकअपनंतर श्रुती म्हणाली होती, “लोकांना वाटत होते की मी खूप शांत आणि निरागस आहे, त्यामुळे प्रत्येकजण माझ्या आजूबाजूचा बॉस असू शकतो. मी खूप भावनिक व्यक्ती आहे, त्यामुळे ते माझ्यावर नियंत्रण ठेवू शकतात. तरीही मी म्हणेन की, हा माझ्यासाठी खूप छान अनुभव होता.”
श्रुती हासन ही अभिनेता कमल हासन आणि अभिनेत्री सारिका यांची मुलगी आहे, ज्यांचे भारतीय चित्रपटसृष्टीत खास स्थान आहे. तिचे आई-वडील फार पूर्वी एकमेकांपासून वेगळे झाले आहेत. तिला अक्षरा हासन ही एक धाकटी बहीणही आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
महत्त्वाच्या बातम्या-
दिग्दर्शक अभिजित पानेसेंना शिंदे गटाकडून ऑफर? फिरणार का राजकारणाची सूत्र…
अभिषेकने केलेला पुरस्कारांचा ‘तो’ पसारा पाहून ऐश्वर्याचा चढला होता पारा, मग…
