टीव्ही अभिनेता सिद्धार्थ शुक्लाच्या निधनाला सोमवारी (१३ सप्टेंबर) रोजी ११ दिवस पूर्ण झाले आहेत. २ सप्टेंबर रोजी त्याने या जगाचा निरोप घेतला. सिद्धार्थच्या निधनामुळे फक्त त्याच्या जवळच्या व्यक्तींनाच नाही, तर संपूर्ण टीव्ही इंडस्ट्रीला धक्का बसला आहे. सिद्धार्थच्या अकाली निधनामुळे बरेच लोक खचले आहेत. त्याचे मित्र आणि प्रियजन त्याच्यासाठी आणि त्याच्या कुटुंबासाठी सतत प्रार्थना करत आहेत. याच दरम्यान, सिद्धार्थसारख्या दिसणाऱ्या व्यक्तीचे व्हिडिओ खूप व्हायरल होत आहेत.
चंदन करतो सिद्धार्थची स्टाइल कॉपी
दिवंगत अभिनेता सिद्धार्थ शुक्लासारख्या दिसणाऱ्या या व्यक्तीचे नाव चंदन आहे. चंदन इंस्टाग्रामवर खूप सक्रिय असतो. दररोज तो सोशल मीडियावर नवीन व्हिडिओ पोस्ट करत राहतो. चंदन त्याच्या प्रत्येक व्हिडीओमध्ये सिद्धार्थच्या स्टाइलची हुबेहुब नक्कल करतो. सिद्धार्थ शुक्लाच्या ऑडिओवर चंदन लिपसिंग देखील करतो. त्याचे व्हिडीओज आजकाल मोठ्या प्रमाणात व्हायरल होत आहेत. चंदनचा लूक आणि ड्रेसिंग सेन्स सुद्धा सिद्धार्थ सारखाच आहे.
https://www.instagram.com/reel/CTlziPuga0M/?utm_source=ig_web_copy_link
व्हिडिओ होतोय व्हायरल
सिद्धार्थ शुक्लाच्या मृत्यूनंतर जेव्हा चंदनचे व्हिडिओ व्हायरल झाले, तेव्हा व्हिडिओ पाहून सिद्धार्थचे चाहते भावूक झाले. अनेक चाहते चंदनमध्ये सिद्धार्थला पाहत आहेत. तर अनेक चाहते सांगत आहेत की, सिद्धार्थ कुठेही गेला नाही, तो हाच आहे. चंदनचे देखील इंस्टाग्रामवर प्रचंड चाहते आहेत. तर इंस्टाग्रामवर ४.५ मिलियन युजर्स सिद्धार्थला फॉलो करतात. त्याचबरोबर आजकाल चंदनचीही लोकप्रियता वाढली आहे.
https://www.instagram.com/reel/CTxBZRxqbJW/?utm_source=ig_web_copy_link
वयाच्या ४० व्या वर्षी घेतला जगाला निरोप
‘बिग बॉस’ फेम सिद्धार्थ शुक्लाने या जगाचा निरोप घेतला आहे. माध्यमांतील वृत्तानुसार, २ सप्टेंबर रोजी सिद्धार्थला हृदयविकाराचा झटका आला. त्यानंतर त्याला कूपर रुग्णालयात नेण्यात आले होते. तेथेच त्याला मृत घोषित करण्यात आले. त्याच्यावर दुसऱ्या दिवशी म्हणजेच ३ सप्टेंबर रोजी अंत्यसंस्कार करण्यात आले. त्याच्या प्रियजनांनी आणि कुटुंबाने त्याला अंतिम निरोप दिला. सिद्धार्थ शुक्ला ४० वर्षांचा होता. त्याच्या कुटुंबात त्याची आई आणि दोन बहिणी आहेत.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-दुःखद! मल्याळम अभिनेता रिजाबावा यांचे दीर्घ आजाराने झाले निधन
-सिद्धार्थच्या निधनानंतर ॲडमिट झाली होती जसलीन, नवीन व्हिडिओमुळे पुन्हा झाली ट्रोल
-Bigg Boss OTT: ‘राकेश तालावर नाचणारा नाहीये’, काम्या पंजाबीने साधला शमिता शेट्टीवर जोरदार निशाणा
