प्रसिद्ध संगीतकार ए.आर. रहमान यांची मुलगी खतिजा रेहमानने २९ डिसेंबर रोजी ऑडिओ इंजिनियर रियासदीन शेख मोहम्मदशी साखरपुडा केला. खतिजाच्या वाढदिवसाच्या दिवशी काही खास लोकांमध्ये हा साखरपुड्याचा सोहळा पार पडला. या सोहळ्यात काही जवळचे मित्र आणि कुटुंबातील सदस्य उपस्थित होते. खतिजाच्या लाईफ पार्टनरबद्दल बोलायचे झाले, तर रियासदीन एक महत्त्वाकांक्षी उद्योजक आणि एक ऑडिओ अभियंता आहे. सोशल मीडियावर चाहते खतिजा रहमान आणि रियासदीन यांना नवीन आयुष्य सुरू करण्यासाठी अनेक शुभेच्छा देत आहेत.
खतिजाने ( Khatija Rahman) तिच्या साखरपुड्याच्या सोहळ्यात सुंदर गुलाबी रंगाचा ड्रेस परिधान केलेला दिसत असून, खतिजाने या एथनिक ड्रेससोबत फुलांचा हार घातलेला दिसत आहे. खतिजा आणि रियासदीन शेख मोहम्मद यांचा साखरपुडा २९ डिसेंबर रोजी कुटुंबीय आणि जवळच्या मित्रांसोबत पार पडला. फोटोत दिसत आहे की, खतिजाने तिच्या साखरपुड्यासाठी ड्रेससोबत डिझायनर मॅचिंग मास्क देखील घातला होता. खतिजा आणि रियासदीनच्या साखरपुड्याचा हा फोटो ‘फिल्मफेअर’च्या अधिकृत इंस्टाग्राम हँडलवरून अपलोड करण्यात आला आहे. खतिजा रेहमानने साखरपुड्याची घोषणा करताना तिच्या पार्टनरचा ब्लॅक अँड व्हाईट फोटो तिच्या फोटोशी जोडून पोस्ट केला होता.
खतिजा आणि रियासदीनच्या एंगेजमेंटचे फोटो सोशल मीडियावर मोठ्या प्रमाणात व्हायरल होत आहेत. या एंगेजमेंट पोस्टला प्रतिसाद देत, अनेक सेलिब्रिटी तसेच चाहते त्यांचे सतत अभिनंदन करत आहेत. गायिका हर्षदीप कौरने कमेंट केली की, “तुम्हा दोघांचे अभिनंदन, देव तुमचे भले करो.” तर श्वेता पंडितने लिहिले की, “लहान मुलगी मी जाण्यासाठी तयार आहे, खतिजा रहमान तुझ्यासाठी खूप आनंदी आहे.” गायिका नीती मोहनने लिहिले, “खूप अभिनंदन, हा एक अद्भुत क्षण आहे.”
खतिजा रहमानच्या वर्कफ्रंटबद्दल बोलायचे झाले, तर तिने तमिळ चित्रपटांमध्ये काही अप्रतिम गाणी गायली आहेत. खतिजाने २०१९ मध्ये मुंबईत यू२ कॉन्सर्ट दरम्यान तिच्या वडिलांसोबत परफॉर्म केले होते. तर नेटफ्लिक्स चित्रपटातील तिचे ‘रॉक अ बाय’ गाणे ‘मिमी’ बेबी’ खूप गाजले होते.
हेही वाचा :
डिपनेक लाँग गाऊनमध्ये खुलले माधवी निमकरचे सौंदर्य, नवीन फोटो आले चर्चेत
दहा वर्षांपूर्वी ‘अशी’ दिसायची सुपरबोल्ड निया शर्मा, फोटोमध्ये ओळखनेही आहे कठीण!
आनंद शिंदे यांनी मीरा आणि जय यांना दिली गाण्याची ऑफर, आगामी काळात झळकणार एकत्र
