अनेक बॉलिवुड कलाकार हे सोशल मीडियावर ऍक्टिव्ह असतात. आपल्या चाहत्यांशी जोडून राहण्यासाठी हे बॉलिवूड सेलिब्रिटी काही ना काही नवी शक्कल लढवत असतात. फोटो शेअरिंग ऍप इंस्टाग्रामवर, एक नवीन फिचर आलं आहे जेथे एखादा युझर फॉलोअर्सना प्रश्न विचारून त्यांची कथा पोस्ट करू शकतो. एकंदरीत ते आपल्या फॉलोअर्सना कोणता फोटो पाहण्याची इच्छा आहे हे विचारू शकतात. हे मजेदार फिचर आता बॉलिवूड सेलिब्रिटीदेखील वापरु लागले आहेत. अभिनेत्री सोनम कपूरने देखील अशाच प्रकारे तिचे काही जुने फोटोज शेअर केले आहेत चला तर मग पाहुयात तिचे काही जुने फोटोज!
मंगळवारी सोनम कपूर आहूजाने इन्स्टाग्राम स्टोरी पोस्ट करताना हे फिचर वापरले. लवकरच तिच्या फॉलोअर्सनी वेगवेगळे फोटो पोस्ट करण्याची मागणी करण्यास सुरवात केली. कोणी पती आनंद आहूजाबरोबर फोटो शेअर करण्यास सांगितले तर कोणीतरी साडीत फोटो पोस्ट करण्याची विनंती केली.
मात्र काही अनुयायांनी तीला बालपणीचे फोटो शेअर करण्यास सांगितले, ज्याला प्रतिक्रिया म्हणून सोनम कपूरने ते फोटो अपलोडदेखील केले. ज्यात आपण सोनमच्या बालपणीचे फोटो पाहू शकतो ज्यामध्ये तिच्या हातात हृदयाच्या आकाराचा फुगा आहे आणि ती हसत आहे असे दिसते.
यानंतर जेव्हा तिच्या एका फॉलोअरने तिला जान्हवी कपूरसोबतचा फोटो शेअर करण्यास सांगितलं तेव्हा सोनमने एक फोटो शेअर केला, जो इंटरनेटवर मोठ्या प्रमाणात व्हायरल होत आहे. या फोटोत सोनमने लहानग्या जान्हवीला हातात धरलं आहे आणि ती सोफ्यावर बसली आहे. हा अगदी गोंडस फोटो सध्या चाहत्यांनी व्हायरल केला आहे.
या फोटोंव्यतिरिक्त सोनम आपले हॉट आणि बोल्ड फोटोज तर नेहमीच इन्स्टाग्राम अकाउंटवर शेअर करत असतेच. नुकतंच टीम नव्या वर्षाची सुरुवात आपल्या पतीसोबतचा चुंबनाचा फोटो शेअर करून केली होती. या शिवाय सध्या सोनम सुजय घोष यांच्या ब्लाइंड या आगामी चित्रपटाच्या चित्रीकरणामध्ये व्यस्त आहे.
