बॉलिवूड अभिनेता चंकी पांडे आणि त्यांच्या कुटुंबाचा त्रास कमी होताना दिसत नाहीये. नुकतेच एनसीबीने आर्यन खान प्रकरणात चंकी पांडेंची मुलगी अनन्या पांडेची चौकशी केली होती. मात्र, आता आर्यन खान आपल्या घरी परतला आहे, पण चंकी पांडेच्या कुटुंबाचा त्रास वाढतच चालला आहे, कारण आता त्यांचा भाऊ चिक्की पांडे यांना मुंबई पोलिसांच्या विशेष तपास पथकाने जबाब नोंदवण्यासाठी बोलावले आहे. एनसीबीच्या अधिकाऱ्यांवर लावलेल्या खंडणीच्या आरोपासंदर्भात चिक्की पांडेला समन्स पाठवण्यात आले आहेत.
असे आले चिक्कींचे नाव समोर
माध्यमांतील वृत्तांनुसार, गोसावी यांनी सॅम डिसूझा यांना आर्यनच्या अटकेची माहिती दिली होती. त्यांना ताबडतोब शाहरुख खानची मॅनेजर पूजा दादलानीशी संपर्क साधायचा होता. यानंतर तो मुंबईतील एका रेस्टॉरंटच्या मालकाला भेटला, जो चंकी पांडेंचा भाऊ चिक्की पांडेंना चांगला ओळखत होता. माध्यमांतील वृत्तांनुसार, चिक्की पांडेंकडूनच त्यांना पूजा आणि तिच्या पतीचे कॉन्टॅक्ट डिटेल्स मिळाले होते. सॅम डिसूझा यांच्या वक्तव्यात चिक्कीचे नाव समोर आले आहे. चिक्की पैशांनी भरलेली बॅग घेऊन लोअर परळला आले होते, असा दावा सॅम यांनी आपल्या वक्तव्यात केला आहे. चंकी पांडेंच्या भावाला एनसीबीच्या अधिकाऱ्यांवर पैसे वसूल केल्याच्या आरोपासंदर्भात हे समन्स पाठवण्यात आले आहेत.
चिक्की अनेक रहस्ये करू शकतो उघड
याप्रकरणी मुंबई पोलिसांचे एसआयटी पथक चिक्की पांडेंची चौकशी करण्याचा प्रयत्न करत आहे. चिक्की यांनी एजन्सीला समन्सचे उत्तर देताना सांगितले की, प्रकृती अस्वस्थ असल्याने तो तेथे उपस्थित राहू शकत नाही. आता चिक्की पांडेंना चौकशीसाठी कधी बोलावले जाईल, हे अद्याप स्पष्ट झालेले नाही. चिक्की यांना डिसूझा आणि गोसावी यांच्यातील संभाषणाबद्दलच चौकशीसाठी बोलावण्यात येणार असल्याची माहिती आहे.
आर्यन खान जामिनावर आहे बाहेर
क्रूझ शिपमध्ये होत असलेल्या अं’मली पदार्थ पार्टी प्रकरणात शाहरुख खानचा मुलगा आर्यन खान याला हायकोर्टातून जामीन मिळाला आहे. तुरुंगातून सुटल्यानंतरही आर्यन खानचा त्रास कमी होण्याचे नाव घेत नाही. जामिनानंतर काही दिवसांनी एनसीबीच्या एसआयटी पथकाने आर्यन खानला पुन्हा चौकशीसाठी समन्स बजावले होते.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
