बॉलिवूडमधील अतिशय प्रसिद्ध, लोकप्रिय आणि हिट सिनेमे देणारे दिग्दर्शक सुभाष घई यांचा आज (२४ जानेवारी) वाढदिवस आहे. बॉलिवूडच्या टॉपच्या दिग्दर्शकांमध्ये त्यांचे नाव प्रकर्षाने घेतले जाते. त्यांच्याबद्दल बॉलिवूड आणि मीडियामध्ये अनेक किस्से प्रसिद्ध आहेत. अगदी बारीक सारीक गोष्टी ते त्यांच्या कलाकारांना समजावून सांगतात. सुभाष घई यांच्या सिनेमात काम मिळणे हे सर्वच कलाकारांसाठी अतिशय भाग्याची गोष्ट असते. ते त्यांच्या सिनेमातील कलाकारांची निवड खूपच विचारपूर्वक करतात. ते एका सिनेमासाठी कलाकार शोधत होते, अनेक मोठे कलाकार त्यांच्या सिनेमात काम करण्यासाठी उत्सुक होते, मात्र त्यांनी सर्वांना नाकारून नवीन चेहऱ्याला संधी दिली.
तुमच्या लक्षात आले असेलच की आम्ही कोणत्या सिनेमाबद्दल बोलत आहोत. हो त सिनेमा होता ‘परदेस’. सिनेमाला प्रदर्शित होऊन आज जवळपास २५ वर्ष पूर्ण झाले, तरीही सिनेमाची क्रेझ. यातील गाणी, कथा सर्वच आजही चर्चेचा विषय असतो. हा सिनेमा त्याकाळी तुफान गाजला. एक प्रेमकहाणी देखील घई साहेबानी अतिशय हटके पद्धतीने दाखवली. परदेस सिनेमात माधुरी दीक्षित आणि सलमान खान यांना काम करण्याची खूप इच्छा होती, मात्र घई यांनी सर्वांना नकार देत महिमा चौधरीला साईन केले.
View this post on Instagram
सुभाष घई यांनी एकदा हा किस्सा स्वतः सांगितला. त्यांनी सांगितले की, अपूर्व अग्निहोत्रीने साकारलेली भूमिका सलमान खानला साकारायची होती तर महिमा चौधरीची भूमिका माधुरी दीक्षितला साकारायची होती. मात्र त्यांनी सर्वांना नकार दिला आणि अपूर्व आणि माहीमच्या निवड केली. याबद्दल त्यांनी सांगितले की, “एक लेखक आणि दिग्दर्शक म्हणून माझे लक्ष पूर्णपणे व्यक्तिरेखेवर असते. मी कधीही कोणत्याच कलाकाराला डोळ्यासमोर ठेवून विशिष्ट व्यक्तिरेखा तयार करत नाही. पहिल्यांदा व्यक्तिरेखा, तिची कथा आणि मग त्यासाठी कलाकार असा कथा लिहिण्याचा नियम आहे. मी कधीही कलाकार पाहून व्यक्तिरेखा लिहिली नाही.”
माधुरीची निवड सुभाष घई यांनी केली होती मात्र नंतर त्यांनी महिमाला फायनल केले आणि त्यांचा निर्णय योग्य ठरला. ‘परदेस’ सिनेमा तुफान हिट झाला आणि महिमा एका रात्रीत स्टार झाली.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
‘आम्ही चित्रपट केलेच नाहीत तर…’, बॉलिवूड बॉयकॉट ट्रेंडवर बोलली प्रसिद्ध अभिनेत्री
केएल राहुल अन् अथियाच्या संगीतात ‘बेशरम रंग’वर थिरकले स्टार, पाहा भन्नाट व्हिडिओ
