तब्बू (Tabu) चित्रपट आणि कलाकारांबद्दल उघडपणे आपली भूमिका मांडत असते. कुणी चांगलं काम केलं असेल तर ती नक्की उल्लेख करते. तिने आता अशा व्यक्तीचा उल्लेख केला आहे, जो तिच्यासाठी प्रत्येक चित्रपटात महत्त्वाचा ठरला आहे. चित्रपटाच्या यशाचे श्रेय कलाकारांना जाते. असे असले तरी चित्रपट चालला नाही, तर दिग्दर्शकांना जबाबदार धरले जाते.
तब्बू चित्रपटांच्या यशाचे श्रेय दिग्दर्शकांना देते आणि त्यांनाच तिच्या चित्रपटातील सर्वात महत्त्वाची व्यक्ती मानते. मीडियाशी संवाद साधताना ती म्हणते, “माझ्यासाठी माझा दिग्दर्शक हा चित्रपटातील सर्वात महत्त्वाचा माणूस आहे. जर मला खरोखरच असे वाटत असेल, की दिग्दर्शकाने मला सांगितलेले काहीतरी आहे, जे माझ्यासाठी महत्त्वाचे आहे, तर मी ते स्वीकारेन. जेव्हा मी श्रेय देते तेव्हा मी ते प्रत्यक्षात करते.” (tabu considers this person the most special in her films)
तब्बू काही काळापूर्वी रिलीझ झालेल्या ‘भूल भुलैया २’ या चित्रपटात दिसली होती. चित्रपट आणि तिचा अभिनय दोन्ही हिट ठरले. चित्रपटाच्या यशानंतर तब्बूने ‘भूल भुलैया २’चे दिग्दर्शक अनीस बज्मी यांच्यासाठी एक पोस्ट इन्स्टाग्रामवर शेअर केली आहे. तब्बूने लिहिले, “माझ्या अभिनयात त्यांचे योगदान मोठे होते. अभिनेते दिग्दर्शकांशी जुळतात आणि ते तुम्हाला जे देतात त्याचे श्रेय तुम्हाला त्यांना द्यावे लागेल, ज्यामुळे तुमची कामगिरी समोर येते.”
ती पुढे म्हणते, “हे श्रेय अनेक कारणांसाठी दिले जाते. मताकडे लक्ष देणे, चर्चा करणे, मी जशी आहे तशी राहायला मला अनुमती देणे, जेव्हा मी इतर मार्गाने जात असेल तेव्हा मला योग्य मार्गावर ढकलणे. त्यामुळे माझा दिग्दर्शक महत्त्वाचं काम करतो हे मला मान्य करावं लागेल.” तब्बूचे विशाल भारद्वाजसोबत चांगले नाते आहे, ज्यांच्यासोबत ती ‘खुफिया’मध्ये काम करणार आहे.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा
