विकी कौशल आणि रश्मिका मंदाना अभिनीत या ऐतिहासिक अ‍ॅक्शन ड्रामा चित्रपटाने १४ फेब्रुवारी २०२५ रोजी प्रदर्शित झाल्यानंतर बॉक्स ऑफिसवर ८०० कोटींहून अधिक कमाई केल्याचे वृत्त आहे. आता हा चित्रपट पुन्हा एकदा प्रेक्षकांचे मनोरंजन करण्यासाठी येत आहे, पण थिएटरमध्ये आणि ओटीटीवर नाही. तुम्ही ‘छावा‘ चित्रपट कुठे पाहू शकता ते जाणून घ्या….
‘छावा’ हा चित्रपट या वर्षातील सर्वात मोठ्या हिट चित्रपटांपैकी एक ठरला आहे. आता हा चित्रपट टीव्हीवर प्रेक्षकांचे मनोरंजन करण्यासाठी सज्ज झाला आहे. छत्रपती संभाजी महाराजांची कहाणी दाखवणारा ‘छावा’ हा चित्रपट १७ ऑगस्ट २०२५ रोजी रात्री ८ वाजता स्टार गोल्डवर वर्ल्ड टीव्ही प्रीमियर होणार आहे. चित्रपट प्रेमींसाठी तो पुन्हा पाहण्याची ही एक उत्तम संधी आहे.
काल रात्री मुंबईतील वांद्रे येथे या प्रीमियरसाठी एक खास “राउंड टेबल” कार्यक्रम आयोजित करण्यात आला होता, ज्यामध्ये विकी कौशल, विनीत कुमार सिंग, दिव्या दत्ता आणि दिग्दर्शक लक्ष्मण उतेकर यांचा समावेश होता. थिएटर आणि नेटफ्लिक्समध्ये धुमाकूळ घालल्यानंतर, आता हा चित्रपट टीव्हीवर धुमाकूळ घालण्यासाठी सज्ज झाला आहे. टीआरपी रेटिंगमध्ये हा चित्रपट नवीन विक्रम प्रस्थापित करेल का, हे येणारा काळच सांगेल!
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
३४५ कोटींचा मालक असलेला हा अभिनेता आजही आईकडून घेतो पैसे; मोठ्या कुटुंबाचा आहे सदस्य…
