चित्रपटसृष्टीमध्ये कास्टिंग काऊचच्या घटना होणे आता सामान् नाही. अनेक दिग्दर्शक आणि अभिनेत्यांवर कामाच्या दरम्यान शोषणाचा आरोप लावण्यात आला आहे. यावर अनेक अभिनेत्रीही कास्टिंग काऊचबद्दल मोकळेपणाने आपले मत स्पष्ट करतात आणि आपल्याला आलेला वाईट अनुभव सर्वांसोबत शेअर करतात. नुकतेच एका अभिनेत्रीनेही आपल्याला आलेला असाच एक अनुभव शेअर केला आहे.
अभिनेत्री किश्वर मर्चंटने एका मनोरंजन वेबसाईटला दिलेल्या मुलाखतीत याबाबत चर्चा केली आहे. किश्वरशी जेव्हा कास्टिंग काऊचशी निगडीत प्रश्न विचारण्यात आला, तेव्हा तिने सांगितले की, “मीदेखील याचा सामना केला आहे आणि मला एका हिरोसोबत झोपायला सांगितले होते.” यासोबतच तिने हेही सांगितले की, अभिनेता आणि निर्माते दोघांचेही मोठे नाव होते. चला तर मग आज जाणून घेऊया अभिनेत्री किश्वरने कास्टिंग काऊचबाबत केलेल्या खुलाश्याबद्दल…
किश्वरने एका मुलाखतीत सांगितले की, “माझ्यासोबत असे तेव्हा झाले, जेव्हा मी मीटिंगसाठी गेले होते. मात्र, असे केवळ एकदाच झाले. माझी आई माझ्यासोबत होती. मला सांगितले होते की, मला हिरोसोबत झोपावे लागेल. मी नम्रपणे ही ऑफर नाकारली आणि निघून गेले.”
“मी हे म्हणणार नाही की, हे खूप प्रमाणात होते. इंडस्ट्रीचे नाव खराब आहे. मात्र, प्रत्येक इंडस्ट्रीमध्ये या गोष्टी होतात,” असेही पुढे बोलताना ती म्हणाली. जेव्हा तिला विचारले गेले की, हिरो आणि निर्मात्याचे नाव काय होते? यावर प्रत्युत्तर देताना ती म्हणाली की, “दोघेही इंडस्ट्रीतील एक मोठं नाव होते.”
जेव्हा अभिनेत्रीला विचारले की, याच कारणामुळे ती चित्रपटात काम करत नाही का? यावर प्रत्युत्तर देताना ती म्हणाली की, “नाही. मी कामासाठी खूप केंद्रित होते. माझा कल टीव्हीकडे अधिक होता. मला काम करताना प्रमाण आणि गुणवत्ता मिळत नव्हती. टीव्हीमधून तुम्हाला अधिक ओळख मिळते. चित्रपटात छोट्या भूमिका मिळून असे होत नाही.” किश्वर मर्चंटने ‘हम तुम’ आणि ‘भेजा फ्राय २’ या चित्रपटात काम केले आहे.
कामावर पुनरागमन करण्याबद्दल बोलताना अभिनेत्री सांगते की, “४० वर्षांच्या वयात गरोदर झाल्याने मला आनंद आहे. मी सेटवर पुनरागमनासाठी आणखी एक वर्ष घेईल. माझ्याकडे घरी खूप चांगली व्यवस्था आहे. जर माझी भूमिका चांगली असेल, तर मी लवकरच पुनरागमन करेल.”
किश्वर पहिल्यांदाच आई बनणार आहे. सध्या अभिनेत्री आपल्या गरोदरपणाचा आनंद लुटत आहे. ती नेहमी चाहत्यांसोबत फोटो शेअर करत असते. किश्वर आणि सुयश रायने मार्चमध्ये चाहत्यांना आई- वडील बनण्याची आनंदाची बातमी दिली होती.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
