यश हा कन्नड सुपरस्टार अभिनेता म्हणुन लोकप्रिय आहे. केजीएफ या चित्रपटानंतर तो जास्त सुपरहिट झाला. तो त्यांच्या आगामी ‘टॉक्सिक’ चित्रपटामुळे चर्चेत आहे. १९ मार्च रोजी टॉक्सिक हा चित्रपट प्रदर्शित होणार होता. मात्र निर्मात्यांनी आता ‘टॉक्सिक’ची रिलीज डेट पुढे ढकलण्याचा निर्णय घेतला आहे. आणि आता हा चित्रपट 4 जून रोजी थिएटरमध्ये प्रदर्शित होणार आहे. मात्र, वरुण धवनचा चित्रपट ‘है जवानी तो इश्क होना है’ हा चित्रपटही 4 जून रोजी थिएटरमध्ये प्रदर्शित होणार आहे. त्यामुळे, ‘टॉक्सिक’, ज्याने ‘धुरंधर 2’ सोबत बॉक्स ऑफिसवर टक्कर टाळली होती, तो ‘वरुण धवन’ च्या चित्रपटासोबत प्रदर्शित होणार आहे.
यश अभिनीत टॉक्सिक चित्रपट आता 4 जून रोजी थिएटरमध्ये प्रदर्शित होणार आहे. तर निर्मात्यांनी बुधवारी याची घोषणा केली. पण ‘टॉक्सिक’च्या अडचणी अजूनही संपलेल्या नाहीत, कारण वरुण धवनचा ‘है जवानी तो इश्क होना है’ हा चित्रपटही 4 जून रोजी प्रदर्शित होत आहे. या विनोदी-नाटकात वरुणसोबत मृणाल ठाकूर आणि पूजा हेगडे मुख्य भूमिकेत आहेत. त्याचे वडील डेव्हिड धवन हे वरुण (varun)धवन अभिनीत या चित्रपटाचे दिग्दर्शन करत आहेत आणि ते खूप उत्सुक आहेत. या दोन्ही चित्रपटांपैकी कोणता चित्रपट बॉक्स ऑफिसवर यशस्वी होईल हे पाहणे बाकी आहे.
धुरंधर 2 हा आता 19 मार्च रोजी प्रदर्शित होणारा एकमेव चित्रपट आहे. त्याभोवती इतर कोणतेही मोठे चित्रपट प्रदर्शित होणार नाहीत. याचा चित्रपटाला फायदा होईल. टॉक्सिकच्या प्रदर्शनाचा धुरंधर 2 वरही काही प्रमाणात परिणाम होऊ शकला असता. मात्र, टॉक्सिकची रिलीज तारीख पुढे ढकलल्याने धुरंधर 2 ला फायदा होण्याची शक्यता आहे. धुरंधर 2 चा ट्रेलर आज प्रदर्शित होणार असल्याचे वृत्त देखील समोर येत आहे, तरी निर्मात्यांनी अद्याप याबद्दल कोणतीही अधिकृत माहिती जारी केलेली नाही.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
अनुराग डोभालची पत्नी कोण आहे? लग्नानंतर आयुष्यात वाद, प्रसिद्ध युट्युबर आता मृत्यूच्या दारात उभा
