अभिनेत्री चाहत खन्नाने सोनी टीव्हीवरील लोकप्रिय मालिका ‘बडे अच्छे लगते हैं‘ द्वारे घराघरात नाव कमावले. सध्या, ही अभिनेत्री तिच्या वैयक्तिक आयुष्यामुळे चांगलीच चर्चेत आहे. चाहत खन्नाचे सुकेश चंद्रशेखरसोबतचे कनेक्शन समोर आले आहे. नुकत्याच दिलेल्या एका मुलाखतीत या अभिनेत्रीने सांगितले की, सुकेश चंद्रशेखरने तिला लग्नासाठी प्रपोज केले होते. मात्र, चाहतने दावा केला आहे की, जेव्हा ती सुकेशच्या संपर्कात आली तेव्हा तिला तो ठग असल्याचे माहित नव्हते. अभिनेत्रीच्या म्हणण्यानुसार, तिला सांगण्यात आले की सुकेश हा एका साऊथ टीव्ही चॅनलचा मालक आणि जयललिता यांचा पुतण्या आहे.
चाहत खन्ना (chahatt khanna) हिचे नाव सुकेशच्या आधीही अनेक लोकांशी जोडले गेले आहे. ही अभिनेत्री प्रसिद्ध गायक मिका सिंगची शेजारी आहे. 2020 मध्ये लॉकडाऊन दरम्यान चाहत खन्ना आणि मिका सिंग यांच्या नात्याच्या बातम्या खूप चर्चेत हाेत्या. दोघेही सोशल मीडियावर एकमेकांचे अनेक फोटो आणि व्हिडिओ शेअर करत हाेते. ते फोटो पाहून हे दोघे एकमेकांना डेट करत असल्याचा अंदाज चाहते बांधत हाेते. मात्र, अभिनेत्रीने माध्यमाना दिलेल्या मुलाखतीत सांगितले की, ‘ती मिका सिंगसोबत एक गाणे शूट करत हाेती त्यामुळे दोघेही त्यांच्या क्यूट फोटोंद्वारे त्यांच्या ‘क्वॉरंटाईन लव्ह’ गाण्याचे प्रमोशन करत हाेते.’
View this post on Instagram
चाहत खन्ना हिला तिच्या वैयक्तिक आयुष्यात खूप संघर्ष करावा लागला. ही अभिनेत्री दोन मुलींची आई आहे. अभिनेत्रीने नुकत्याच दिलेल्या एका मुलाखतीत घटस्फोट आणि त्यानंतर तिच्या आयुष्यात झालेल्या बदलांबद्दल सांगितले. चाहत तिचे पहिले लग्न सर्वात मोठी चूक मानते. कारण, वयाच्या अवघ्या 20 व्या वर्षी या अभिनेत्रीने तिचा पहिला पती भरत नरसिंघानीसोबत घटस्फोट घेतला, ज्यानंतर चाहतच्या आयुष्यात गोंधळ उडाला.
काही काळानंतर या अभिनेत्रीच्या आयुष्यात ‘बडे अच्छे लगते हैं’ फेम फरहान मिर्झाने प्रवेश केला आणि काही दिवस डेट केल्यानंतर दोघांनी लग्न केले. मात्र, चाहत खन्नाचे हे लग्न केवळ 5 वर्षे टिकले. या लग्नापासून या अभिनेत्रीला दोन मुली आहेत.
View this post on Instagram
अलीकडेच माध्यमाना दिलेल्या मुलाखतीत अभिनेत्रीने सांगितले की, ‘ती सिंगल मदर असल्यामुळे तिला इंडस्ट्रीत काम मिळू शकत नाही. लोक तिला सांगतात की, जर ती सिंगल असती तर आज तिची परिस्थिती वेगळी असती.’
चाहत खन्ना हिच्या अभिनय काराकिर्दी विषयी बाेलायचे झाले, तर तिने ‘कबूल है’, ‘एक में एक तुम’ यासारख्या मालिकेत काम केले आहे. (tv actress chahatt khanna had affairs with mika singh amid link up conman sukesh chandrashekhar 2 failed marriage and painful divorce)
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
कपिल शर्मा कॉमेडीनंतर आता ‘या’ इंडस्ट्रीमध्ये करणार पदार्पण, सोशल मीडियावर पोस्ट करत दिली माहिती
मनपाच्या गलथान कारभारामुळे ज्येष्ठ रंगकर्मींवर झाडू मारण्याची वेळ, अंशुमनने व्हिडिओ शेअर करत व्यक्त केला संताप
