टीव्ही शो आणि चित्रपटांमधील भूमिकांसाठी ओळखली जाणारी अभिनेत्री छवी मित्तलने (Chhavi Mittal) तिच्या इन्स्टाग्राम हँडलवर ब्रेस्ट कॅन्सरसोबतच्या तिच्या संघर्षाबद्दल खुलासा केला. तिने या आजाराचा सामना कसा केला, हे शेअर करण्यासाठी अभिनेत्रीने एक भावनिक पोस्ट लिहिली आहे, जी सोशल मीडियावर व्हायरल होत आहे.
पोस्टमध्ये तिने लिहिले की, “प्रिय स्तन.. ही तुझ्यासाठी कौतुकास्पद पोस्ट आहे. मी पहिल्यांदा तुझी जादू पाहिली, जेव्हा तू मला आनंद दिलास होतास. पण जेव्हा तू माझ्या दोन्ही मुलांना खायला दिलेस, तेव्हा तुझे महत्त्व वाढले. तुमच्यापैकी एकजण स्तनाच्या कर्करोगाशी झुंज देत असताना, आज तुमच्या पाठीशी उभे राहण्याची माझी बारी आहे.” तिने पुढे लिहिले की, त्याला सामोरे जाणे सोपे होणार नाही, परंतु ती लढण्यासाठी तयार आहे. (tv actress chhavi mittal fighting breast cancer shares emotional post on instagram)
पोस्टमध्ये छवी म्हणते की, “हे सोपे नाही, पण ते कठीणही नसावे. मी कदाचित पुन्हा पूर्वीसारखी दिसणार नाही, पण त्यामुळे मला काही वेगळे वाटण्याची गरज नाही. ब्रेस्ट कॅन्सरमधून वाचलेल्यांसाठी हा खूप मोठा आनंद आहे..तुम्हाला नाही माहिती की आज मी तुझ्याकडून किती प्रेरणा घेते.”
अभिनेत्री पुढे म्हणाली, “आणि तुमच्यापैकी ज्यांना आधीच माहित आहे त्यांच्यासाठी, तुमच्या पाठिंब्याबद्दल धन्यवाद. तुम्ही केलेला प्रत्येक कॉल, तुम्ही पाठवलेले संदेश, माझी तिथपर्यंत पोहोचण्याची तुमची प्रत्येक इच्छा कौतुकास्पद आहे.”
या पोस्टनंतर तिचे चाहते आणि मित्र तिला लवकरात लवकर बरे होण्यासाठी शुभेच्छा देत आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा
