हिंदी चित्रपटसृष्टीत ‘रंगीला गर्ल’ म्हणून ओळखली जाणारी बॉलिवूड अभिनेत्री उर्मिला मातोंडकर आज आपला 44 वा वाढदिवस साजरा करत आहे. उर्मिलाचा जन्म 4 फेब्रुवारी 1974 रोजी मुंबईत झाला होता. तिने चित्रपटानंतर आपला मोर्चा आता राजकारणाच्या दिशेने वळवला आहे. तिने 1 डिसेंबर 2020 रोजी शिवसेनेत प्रवेश करत तिच्या नव्या इंनिंगला सुरुवात केली. तिच्या वाढदिवसानिमित्त आज आपण बालकलाकारापासून सुरु झालेला उर्मिलाचा हा प्रवास जाणून घेणार आहोत.
उर्मिला (urmila matondkar) ही पहिलीच अभिनेत्री नाही जिने राजकारणात प्रवेश केला. याआधी देखील अनेक बॉलीवूड कलाकारांनी अभिनयासोबतच राजकारणातही सहभाग दाखवला काहींचा हा सहभाग यशस्वी झाला तर काहींना अपयश मिळाले. आता उर्मिला राजकारणात अभिनयाइतकीच पुढे जाते की नाही हे तर काळ ठरवेलच. तत्पूर्वी उर्मिलाचा शिवसेनेत प्रवेश हा तिच्या नव्या आयुष्याची नांदी आहे. (urmila matondkar birthday, lets know about her life)
उर्मिला यांचा जन्म मुंबईत झाला. मानसशास्त्र हा विषय घेऊन तिने पुण्यातून पदवी संपादन केली. 1980 सालात ‘झाकोळ’ या मराठी चित्रपटातून त्यांनी बालकलाकार म्हणून अभिनयाची सुरुवात केली. हिंदी सिनेसृष्टीत त्यांनी 1981सालच्या ‘कलयुग’ या चित्रपटातून एन्ट्री घेतली. 1983साली आलेल्या ‘मासूम’ या चित्रपटातील त्यांची भूमिका विशेष लक्षात राहते. मुख्य भूमिका म्हणून उर्मिलाचा पहिला हिंदी सिनेमा म्हणजे 1991 साली आलेला ‘नरसिम्हा’. पण तिला खरी ओळख मिळाली ती 1995 च्या राम गोपाळ वर्मा यांच्या ‘रंगीला’ या चित्रपटामुळे.
या सिनेमाने उर्मिलाला ‘रंगीला गर्ल’ ही ओळख दिली. त्यानंतर उर्मिलाने कधीच मागे वळून पाहिले नाही. चमत्कार, चायना गेट, जुदाई, खूबसूरत, सत्या, भूत, पिंजर, कौन, मस्त आदी हे उर्मिलाचे विशेष गाजलेले सिनेमे आहेत. याशिवाय उर्मिलाने मराठी, तामिळ, मल्याळम, तेलगू या प्रादेशिक भाषेतील चित्रपटांमध्ये देखील काम केले. उर्मिलाने काही काळ टीव्हीवर देखील काम केले. ‘झलक दिखला जा’ या डान्स रियालिटी शो च्या दुसऱ्या पर्वात तिने जज म्हणून काम पाहिले होते.
उर्मिलाने 2016 मध्ये काश्मिरी उद्योगपती आणि मॉडेल मोहसीन अख्तर मीर सोबत लग्न केले. अतिशय मोजक्या लोकांच्या उपस्थित उर्मिलाने आपल्यापेक्षा 9 वर्ष लहान मोहसिनसोबत लग्न करत सर्वाना आश्चर्याचा झटका दिला. मोहसीनने देखील काही मोजक्या सिनेमात काम केले आहे.
जय महाराष्ट्र ???????????????????????????? pic.twitter.com/sUinOcagrP
— Urmila Matondkar (@UrmilaMatondkar) December 1, 2020
तसे पाहिले तर उर्मिलाचा राजकीय प्रवास हा मागच्या वर्षीच सुरु झाला. मार्च 2019 मध्ये उर्मिलाने काँग्रेस मध्ये प्रवेश केला आणि तिला उत्तर मुंबई लोकसभा मतदारसंघातून 2019ची निवडणूक लढायचाही संधी मिळाली. मात्र भाजपच्या गोपाळ शेट्टी यांच्याकडून उर्मिलाचा पराभव झाला. त्यानंतर काही कारणांमुळे त्यांनी सप्टेंबर 2019 ला काँग्रेसला रामराम ठोकला. मागील काही दिवसांपासून उर्मिलाला शिवसेनेकडून विधानपरिषद सदस्य बनवायच्या बातम्यांनी जोर धरला होता. आता अधिकृतरित्या उर्मिलाने उद्धव ठाकरे यांच्या उपस्थित शिवसेनेत प्रवेश केला आहे.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
धक्कादायक! दाक्षिणात्य लेडी सुपरस्टार असणाऱ्या नयनताराने देखील घेतला होता कास्टिंग काऊचचा विदारक अनुभव
राखीच्या आयुष्यात पुन्हा आले वादळ, पती आदिल दुर्राणीवर केला गंभीर आरोप; म्हणाली, ‘मला श्रद्धा …’
