विकी कौशल सध्या त्याच्या ‘छावा’ चित्रपटामुळे चर्चेत आहे. या चित्रपटाद्वारे तो रश्मिका मंधनासोबत पहिल्यांदाच एकत्र काम करताना दिसणार आहे. या चित्रपटात विकी छत्रपती संभाजी महाराजांच्या भूमिकेत दिसणार आहे, तर रश्मिका येसूबाई भोसलेच्या भूमिकेत दिसणार आहे. प्रेक्षक या चित्रपटाची आतुरतेने वाट पाहत आहेत. आता विकी कौशलने चित्रपटाचा फर्स्ट लुक रिलीज केला आहे.
अभिनेता विकी कौशल लवकरच ‘छावा’ या चित्रपटात छत्रपती शिवाजी महाराजांचा मुलगा छत्रपती संभाजी महाराजांच्या भूमिकेत दिसणार आहे. या चित्रपटाचा टीझर नुकताच प्रदर्शित झाला असून त्यामुळे या चित्रपटाबाबत उत्सुकता निर्माण झाली आहे. फर्स्ट लूक रिलीज होण्यापूर्वी, विकी कौशल त्याच्या आगामी चित्रपटासाठी आशीर्वाद घेण्यासाठी सिद्धिविनायक मंदिरात गेला होता, ज्याची काही छायाचित्रे समोर आली आहेत.
यावेळी विकी पांढऱ्या कुर्त्यामध्ये दिसला. त्याने बाप्पाचे आशीर्वाद घेतले. यानंतर त्याने चाहत्यांसोबत फोटोही काढले आणि त्यांच्याशी संवादही साधला. यानंतर मुंबईत आयोजित छावा चित्रपटाच्या टीझर लाँचमध्ये विकीने सहभाग घेतला. विकी सिनेमा हॉलच्या टेरेसवर उभा असल्याचे दिसले. यानंतर हा फर्स्ट लूक रिलीज झाला, जो खूपच पॉवरफुल आहे.
मॅडॉक फिल्म्स निर्मित, छावामध्ये रश्मिका मंधना, अक्षय खन्ना, आशुतोष राणा, दिव्या दत्ता आणि नील भूपालम यांच्याही भूमिका आहेत. या चित्रपटात आशुतोष राणा सरसेनापती हंबीरराव मोहिते यांच्या भूमिकेत दिसणार आहे. अक्षय खन्ना औरंगजेबाच्या भूमिकेत दिसणार आहे, तर दिव्या सोयराबाईच्या भूमिकेत दिसणार आहे. नीलच्या व्यक्तिरेखेबद्दल अद्याप कोणतीही माहिती मिळालेली नाही. ए.आर. रहमानने चित्रपटाच्या संगीतावर काम केले आहे. हा चित्रपट ६ डिसेंबर २०२४ रोजी थिएटरमध्ये रिलीज होणार आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
