कोरोनाचा हा भयंकर उद्रेक पाहता, प्रत्येकजण एकमेकांना मदत करण्यासाठी पुढे आला आहे. सामान्य लोकांपासून ते सेलेब्रिटींपर्यंत ते सर्वजण गरजू लोकांना मदत करण्यात गुंतलेले आहेत. कलाकार वेगवेगळ्या प्रकारे गरजूंना मदत करताना दिसत आहेत. काही कलाकार असे आहेत, जे कोविड- १९ शी संबंधित प्रत्येक माहिती सोशल मीडियाच्या माध्यमातून पोहोचविण्याचे काम करत आहेत, जे अत्यंत आवश्यक आहे. आता बॉलिवूड अभिनेत्री मंदिरा बेदीही या यादीत सामील झाली आहे.
मंदिरा सोशल मीडियावर बरीच सक्रिय आहे. ती अनेकदा फिटनेस संबंधित फोटो आणि व्हिडिओ सोशल मीडियावर शेअर करते. अशा परिस्थितीत आता तिने आपल्या इंस्टाग्राम अकाउंटवर एक व्हिडिओ शेअर केला आहे, ज्याद्वारे तिने ऑक्सिजनची पातळी कशी वाढवावी हे सांगितले आहे.
मंदिरा तिच्या चाहत्यांना नेहमी योग किंवा व्यायाम करण्यासाठी प्रोत्साहित करते. आता अभिनेत्री व्हिडिओद्वारे ऑक्सिजनची पातळी कशी वाढवायची हे देखील चाहत्यांना सांगत आहे. मंदिराचे असे व्हिडिओ सोशल मीडियावर व्हायरल होत आहेत, जे चाहत्यांद्वारे खूप पसंत केले जात आहेत.
बिकिनीमध्ये शेअर केला व्हिडिओ
अशा परिस्थितीत, मंदिराने शेअर केलेल्या या व्हिडिओमध्ये ती बिकिनीमध्ये योगा करताना दिसत आहे. चाहत्यांकडून तिच्या या स्टाईलला खूप पसंती मिळत आहे. हा व्हिडिओ शेअर करत अभिनेत्रीने लिहिले आहे की, “ऑक्सिजनची पातळी वाढवा, आपल्या तणावाची पातळी कमी करा. आपली पाठ आणि खांदे मजबूत करा आणि आपल्या हृदयाला #बॅकबेंड सोबत खोला.”
अभिनेत्रीच्या या व्हिडिओवर जोरदार लाईक्स आणि कमेंट्सचा पाऊस पडत आहे. मंदिराला इंस्टाग्रामवर तब्बल १.४ दशलक्ष फॉलोव्हर्स आहेत, जे तिच्या प्रत्येक पोस्टला भरभरून प्रेम देतात.
दोन मुलांची आई आहे मंदिरा
मंदिरा बेदी दोन मुलांची आई आहे. वयाच्या या टप्प्यावरही ती फिटनेसची विशेष काळजी घेते. मंदिरा बेदी प्रत्येकासाठी एखाद्या फिटनेस आयकॉनपेक्षा कमी नाही. ती नियमितपणे तिच्या वर्कआउटचे व्हिडिओ तिच्या सोशल मीडिया अकाउंटवर शेअर करते.
छोट्या पडद्यावर यश मिळाल्यानंतर, मंदिराने मोठ्या पडद्यावर प्रवेश केला. अभिनेत्रीने बर्‍याच चित्रपटांमध्ये काम केले आहे. मात्र, आजही ‘शांती’ मालिकेतील तिच्या अभिनयासाठी तिचे कौतुक केले जाते. याशिवाय ती क्रिकेट कॉमेंट्री देखील करताना दिसते.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-नेहा कक्करने साजरा केला आई-वडिलांच्या लग्नाचा वाढदिवस; सोशल मीडियावर शेअर केले गोड फोटो
